VOV4.Bahnar - Lơ sơ năm ‘nâu, apu\ng Đăk Glong hơ nơ\ng dơ\ng tơ\ hơ năp tơ drong mơ mat yoa ho\k tro to\k lơ, kơ plăh ‘no\h thây kô pơ tho oei ưh kơ măh jing pơm ưh ‘lơ\ng truh tơ drong pơ tho păng ho\k. Mât lơ\m sơ năm ho\k ‘nao, apu\ng Đăk Glong oei ưh kơ măh hlo\h 300 ‘nu kô hăm jăl ho\k mâm non pơm ăn dang 1600 ‘nu hơ io\h ưh đei truh tơ\ hnam ho\k. Tơ\ hơ năp tơ drong ‘nâu, an^h pơ tho pơ hrăm tơ\ tơ ring păng rim hnam trưng đei lơ tơ drong hơ drin vă hơ met pơ ‘lơ\ng [iơ\ mơ mat tat, pơm ‘lơ\ng ăn tơ drong pơ tho, pơ hrăm.

Dôm sơ năm ‘nâu, Hnam trưng mâm non Hoa Lan tơ\ xăh Đắk R’măng, apu\ng Đăk Glong j^ 1 lơ\m dôm hnạm ho\k ưh kơ măh kô pơ tho lơ hlo\h kơ apu\ng Đăk Glong. Lơ\m dôm sơ năm ho\k adrol ki, hnam trưng đei 9 lăm ho\k kơ na rim kăn [o#, kô athei vei lăng đơ\ng 2 - 4 lăm ho\k. Sơ năm ‘nâu, mơ mat hlo\h dơ\ng [ât hnam trưng lăp đei 3 biên che# mă lei athei vei lăng truh 12 lăm.

Kô Dương Thị Hằng, Kô vei lăng Hnam trưng mâm non Hoa Lan ăn tơ băt: Mơ mat tat hlo\h kơ hnam trưng hrei ‘nâu ‘no\h đei truh 4 hnam ho\k tơ\ dôm pơ lei pha ra băl, kơ plăh ‘no\h oei ưh kơ măh kô pơ tho dơ\ng. Kiơ\ tơ drong hơ găt, hnam trưng dang ei oei ưh măh 21 ‘nu kô pơ tho. Ưh đei kô kơ na [ât blu\ng sơ năm ho\k, hnam trưng hlôi krao ako\m đ^ bơ ngai jang, jo# hloi kăn [o# vei lăng, bơ ngai jang athei vang dơ\ng pơ tho tơ\ lăm. Kơ lih thoi noh, sơ năm ho\k ‘nâu, lơ\m kơ so# 359 ‘nu ho\k tro, hnam trưng lăp io\k pơ tho ăn ho\k tro đơ\ng 5 sơ năm đe\ch, oei hlo\h 250 ‘nu ho\k tro 3 - 4 sơ năm ‘no\h tam mă đei năm ho\k:

“ Adrol ki hnam trưng đei 12 lăm kiơ\ tơ drong hơ găt đơ\ng apu\ng Đăk Glong ‘no\h đei 9 kô pơ tho pơm hla ar pơ kăp jang lơ\m 9 khei 1 sơ năm. Mă lei sơ năm ‘nâu ưh pă đei asong k^ hla ar bơ\ jang bơih kơ na [ât blu\ng sơ năm ho\k nhôn ưh gơ\h io\k đ^ ho\k tro năm ho\k. Hnam trưng ku\m ăn đe kô năm pơ tho 2 lăm 1 năr, oei kăn [o# vei lăng nhen inh păng kô hie#u pho\ ‘no\h io\k vei lăng 4 lăm, bơ\ jang tôch ai vă tơ gu\m ăn đe o\h ho\k tro 5 sơ năm năm ho\k.”

Oei tơ\ hnam trưng mâm non Sơn Ca tơ\ xăh Quảng Sơn, apu\ng Đăk Glong, ku\m hăm ưh kơ măh 13 ‘nu kô pơ tho, hnam trưng oei ưh măh 4 lăm ho\k vă pơ tho ăn hlo\h 400 ‘nu ho\k tro lơ\m sơ năm ho\k ‘nâu. Kô Trần Thị Sâm, Hie#u trương hnam trưng ăn tơ băt: 

“ Ưh kơ măh kô hai, ưh kơ măh tơ mam, lăm ho\k hai, mưh ăn ho\k tro năm ho\k vă vei lăng ‘lơ\ng tơ drong đei yoa ăn kon mon ‘no\h tơ tă ưh kơ măh lăm ho\k dơ\ng. Ưh đei kô ‘no\h athei tơ mât hơ dai lăm ho\k, 1 lăm đơ\ng 40 - 50 ‘nu ho\k tro, thoi noh sư ưh ‘lơ\ng truh tơ drong pơ tho ku\m nhen vei lăng ho\k tro, 2 tơ drong mơ mat âu dôm sơ năm ‘nâu tơ [âp hơ nơ\ng.”

Kiơ\ kơ so# chih jo# đơ\ng An^h vei lăng pơ tho pơ hrăm apu\ng Đăk Glong, sơ năm ho\k 2019-2020, lơ\m apu\ng đei 5.632 ‘nu hơ io\h truh sơ năm năm ho\k. Dôm sơ năm ho\k adrol ki, lăp to\k dang 1.000 ‘nu o\h mă lei sơ năm ‘nâu to\k 2 ‘măng. Yoa ưh kơ măh lăm ho\k păng kô pơ tho kơ na tơ ring lăp gơ\h io\k pơ tho ăn dang 4.000 ‘nu o\h. Thoi no\h gô đei dang hlo\h 1.600 ‘nu o\h tôm sơ năm năm ho\k ưh đei truh tơ\ hnam trưng. Lơ\m apu\ng Đăk Glong dang ei oei ưh kơ măh 450 ‘nu thây kô pơ tho rim jăl. Lơ\m no\h, jăl mâm non ưh kơ măh lơ hlo\h hăm hlo\h 306 ‘nu koo pơ tho.

{ok Đoàn Văn Phương, Kơ dră An^h vei lăng pơ tho pơ hrăm apu\ng Đăk Glong tơ [ôh đon ưh hơ iă: Mă băt sư j^ tơ drong đei yoa ăn hơ io\h ră mă lei an^h pơ tho pơ hrăm ưh pă đei trong jang yơ pha, ưh pơ\n krao đ^ đe hơ io\h năm ho\k, lăp pơ ‘nho\ ăn đe kon mon tôm sơ năm năm ho\k đe\ch. Hrei ‘nâu tơ ring oei ako\m jơ hngâm văn man ‘nao 80 lăm ho\k dơ\ng kơ na tơ drong ưh kơ măh lăm ho\k gô jur [iơ\. Mă lei, tơ drong mơ mat hlo\h j^ tơ drong ưh kơ măh thây kô pơ tho:

“{ơm truh tơ mam drăm, lăm ho\k ‘no\h tơ ring gơ\h hơ met ming, mưh đei bơ ngai pơ tho ‘no\h gơ\h sơng đe o\h ho\k tro năm ho\k tơ\ dôm hnam hôp pơ lei, mă ưh ‘no\h mơng hnam kon pơ lei vă pơ tho, mă lei ưh kơ măh bơ ngai pơ tho ‘no\h mơ mat tơ pă. Tơ\ hơ năp tơ drong ưh kơ măh bơ ngai pơ tho mă đơ\ng đ^ đei trong jang bơih mă lei dêh char oei tam mă pơ truh bơ ngai pơ tho tơ tom vă hơ met ming khul bơ ngai pơ tho đơ\ng blu\ng sơ năm. Ku\m hơ pơi ‘me\h rim khul kơ dră pơ gơ\r pơm thoi yơ vă jăh pơ truh hrôih khul bơ ngai pơ tho.”

Kiơ\ đơ\ng hơ len năng, kơ so# hơ io\h đơ\ng 3 - 4 sơ năm tam đei ho\k ho\k ako\m lơ tơ\ dôm xăh Đắk R’măng păng Quảng Hòa, j^ dôm xăh mơ mat tat dêh hlo\h kơ apu\ng Đăk Glong. Ưh kơ măh kô pơ tho kơ na đe hơ io\h mâm non wh đei năm ho\k roi đunh roi lơ, pơm mơ mat truh tơ drong pơ tho păng ho\k lơ\m dôm sơ năm đơ\ng ro\ng dơ\ng.

Hoàng Qui: Chih

Dơ\ng: Tơ blơ\