VOV4.Bahnar – 'Măng pơlong tôt ngĭp THPT xơnăm 2021, dêh char Đăk Nông đei 7000 'nu pơlong. Atŭm hăm axong dôm anih pơlong, lăm pơlong, Anih vei lăng Pơtho Pơhrăm dêh char Đăk Nông hơvơn jê̆ 1.000 'nu bơngai lăng thi. Đei kang ƀô̆, bơngai jang kơ dôm anih jang: pơtho pơhrăm, khul linh, kŏng ang păng anih jang y tê̆ atŭm vang jang.

Dang ei Anih jang Pơtho pơhrăm hlôi tơbang dôm tơdrong pơkăp kăl ăn đe kang ƀô̆, bơngai pơtho, bơngai jang ăn 'măng pơlong. Dôm bơngai pơlong đei axong anih pơlong tơnăp hloh vă hiôk hian lơ̆m tơdrong vih vơ̆t, ưh đei năm ataih. Tơ̆ dôm anih pơlong, tơdrong chă hơlen, hơmet dôm tơdrong kăl đei anih jang pơtho pơhrăm iŏk jang, vei xơđơ̆ng dôm tơdrong tơchơ̆t găh tơmam drăm, vei xơđơ̆ng ăn tơdrong pơlong. Mă kăl, hăm tơdrong hơbuh hli đơ̆ng pơrang jĭ Covid 19 dang ei, Anih vei lăng Pơtho Pơhrăm Đăk Nông hlôi pơgơ̆r dôm anih pơtho pơhrăm vei hơlen kơjă đe hŏk tro năm pơlong tôt ngĭp THPT, tơroi ăn đe hŏk tro păng 'nhŏng oh đe xư nĕ lĕch đơ̆ng dêh char, mă kăl noh nĕ năm truh dôm tơring tŏk bŏk oei hơbuh pơrang jĭ.

Lan chih păng pơre nơ̆r