VOV4.Bahnar - ‘Năr 30/9, Khŭl vei lăng trong tơ ley unh điên cao thế Dak Nông hlôi jang đang tơ drong jang ‘ Hơ met ming trong tơ ley 110kV Đăk Song- Đăk Mil- Cư Jut păng tơ ley chô̆ pơ trơp lơ̆m Anih biến áp 110kV Đăk Song”. Lơ̆m vă jê̆ 4 khei, anih jang hlôi tơ plih sư̆ hơ drô̆ hăm sư̆ hơ dai tơ̆ 50 anih tơ ƀưh, hăm akŏp kơ sô̆ 270 sư̆ tơ jră, sư̆ dui rim kơ loăi hăm kơ chai păng polymer.

Tơ plih sư̆ tơ̆ hơ nih kơ sô̆ 26 trong tơ ley 110KV Đăk Song – Cư Jút

Đei băt trong tơ ley 110kV Đăk Song – Đăk Mil – Cư Jút đei pơ̆ih tơ lĕch đơ̆ng sơ năm 2010, jing anih pơ truh unh điên mă 2 pơ yua ăn hơ tŏk tơ iung mŭk drăm tơ pôl dêh char Đăk Nông. Kiơ̆ hloh 10 sơ năm, dôm sư̆ cách điện đơ̆ng trong tơ ley đĭ kơ nê̆, ưh kơ vei sơ đơ̆ng  pơ truh unh điên sơ đơ̆ng ‘lơ̆ng, mă loi ‘noh jĭ lơ̆m pơ yan ‘mi kial hơ bŭt. Tơ drong tơ plih dôm sư̆  cách điện gô găn tơ drong sar bar yua đơ̆ng grơ̆m glăih, vei sơ đơ̆ng hơ nơ̆ng pơ truh unh điên lơ̆m dêh char Dak Nông.

Thuem: Tơ blơ̆