VOV4.Bahnar - Dôm xơnăm kơ âu, dôm jăl jang Drăkăn dêh char Đăk Nông hlôi đei lơ tơdrong jang kăp g^t, hơto\k pran tơroi tơbăt vă hơto\k hlôh vao ăn bơngai jang, hơvơn rim tơdrong tơgu\m ăn bơngai jang hơto\k mu\k drăm, tơpôl, tơle\ch lơ trong pơm jang mu\k drăm tơpôl tơgu\m pơmai oh tơ\ tơring tơnap tap... Hăm dôm tơdrong adrin âu, lơ bơngai jang drăkăn tơ\ tơring hlôi đei lơ trong hiôk vă hơto\k tơ iung klaih đơ\ng hin dơnuh kơja\ăp xơđơ\ng, tơgop pơjing unh hnam jơnap.

Hăm tơdrong pơjing păng pơtoi pơm jang đei jơnei tơnăp dôm Kâu lak [o# “Tơgu\m dih băl hơto\k mu\k drăm” jing trong mă Jơnu\m drăkăn xăh Nhân Đạo (apu\ng Đăk R’lấp) tơgu\m bơngai jang xut le# pơngot tơjur hin dơnuh. Hơdăh noh Kâu lak [o# “Drăkăn tơgu\m băl hơto\k mu\k drăm” thôn 3 hăm  21 'nu jang. Kâu lak [o# hlôi tơgu\m ăn lơ bơngai jang drăkăn klaih đơ\ng tơnap tap găh jên jang, hơdre\ch, tơroi găh tơdrong hlôh vao lơ\m pơm jang, te\ch pơdro. Pơmai Bùi Thị Kim Nghĩa, tơ\ thôn 3, xăh Nhân Đạo ăn tơbăt, xơnăm 2018 hloh 1 ha tiu kơ unh hnam [ơm pơrang lôch pơđ^. Tơdrong io\k yua tơjur noh tơdrong erih kơ unh hnam pơmai tơjra#m lơ tơnap tap. Pơmai đei Kâu lak [o# Tơgu\m dih băl hơto\k mu\k drăm” ăn to\k io\k 21 triu hlj ưh kơ io\k jên cheh vă răt rơmo yo\ng păng 50 to\ ier. Mă jên tơgu\m ưh đei lơ mă lei hlôi tơgu\m ăn pơmai Nghĩa xek tơlang tơnap tap tơ\ anăp vă hơto\k pơm jang: “Pơmai oh drăkăn duh tơre\k truh tơ\ inh lơ bơih vă inh hiôk hloh lơ\m tơdrong chă rong kon tơrong, hơto\k pơyua thêm. Vang jang lơ\m Kâu lak [o# noh inh [ôh pơmai oh duh tơguăt tơguăl dih băl noh chơt hơ iă hloh”

Yă Nguyễn Thị Thanh - Kơdră Jơnu\m jang drăkăn xăh Nhân Đạo, apu\ng Đăk R’lấp ăn tơbăt, vă tơgu\m pơmai oh kăp g^t păng đei jơnei, rim pơlei pơla hlôi kơdih chă hơlen, pơkăp unh hnam hin dơnuh yuơ drăkăn pơm tơm, xơkơ\t tơdrong tơm đei pơngot hin dơnuh... Đơ\ng noh Jơnu\m drăkăn tơgu\m pơmai oh hăm lơ trong jang nhen: axong to\k io\k ưh kơ đei io\k cheh, tơgu\m hơdre\ch 'long pơtăm, kon yo\ng; tơroi găh tơdrong hlôh vao lơ\m pơm jang - te\ch pơdro... vă atu\m băl hơto\k tơ iung mu\k drăm đei jơnei, klaih đơ\ng hin dơnuh: “Nhôn năm tơ\ thôn chă tơroi tơbăt vă bơngai jang băt hơdăh păng pơm kiơ\ kơluơ\t pơkăp đơ\ng teh đak, duh nhen dôm tơdrong jang đơ\ng jơnu\m drăkăn tơle\ch jang yă kiơ, xơnong pơyua thoi yơ hăm pơmai oh păng hơlen lăng pơmai oh yơ kăl găh kih thuơ\t choh pơtăm, rong kon tơrong, jên jang...”

Vă tơgu\m bơngai jang hin dơnuh klaih đơ\ng hin dơnuh, Jơnu\m drăkăn tơ\  Đăk Nông oei jang hadoi hăm dôm anih jang kơpal pơih lăm pơtho tơdrong jang, pơhrrăm găh kih thuơ\t trong jang 'nao, pơtho găh tơdrong hlôh vao găh te\ch pơdro... Dôm tơring duh hăt hot hơvơn hơlêm drăkăn tơplih hơdre\ch 'long pơtăm, pơm jang kiơ\ trong jang xơđơ\ng hơto\k pơ 'lơ\ng tơmam drăm pơm tơle\ch, tơjur kơjă tơmam drăm.

Hăm đon tơplih 'nao lơ\m hơto\k mu\k drăm, pơmai Nguyễn Thị Thúy, tơ\ xăh Đăk Nia, plei tơm Gia Nghĩa hlôi kh^n to\k io\k 200 triu hlj chă bơ\ hnam hơdru\ng, pơtăm pơkao kiơ\ trong 'nao lơ\m hơgăt xă 2000². Trong jang âu rim xơnăm tơgu\m unh hnam to\k io\k truh 100 triu hlj. Dang ei pơma Thúy to\k bo\k oei tơroi găh tơdrong hlôh vao, tơgu\m ăn bơngai jang drăkăn atu\m hơto\k mu\k drăm vă hơto\k io\k yua, hơto\k tơdrong erih: “Duh to\k bo\k hơvơn pơmai oh atu\m jang tơm tơ\ âu noh pơmai oh duh năm chă tơmang. 'Nguaih kơ noh duh thuê minh [ar pơmai oh jang thuê duh băt. Ba duh tơnăp hăm tơdrong jang mă lei jên jang ưh kơ tôm, noh 'meh vă dôm jăl tơgu\m jang ăn đe pơmai oh găh jên jang chă pơih xă trong pơm jang ”

Kiơ\ Jơnu\m drăkăn dêh char Đăk Nông, truh dang ei ja#p dêh char đei hloh 19 rơbâu bơngai jang drăkăn đei to\k io\k jên hăm hre rơkăh je# 808 tih hlj; tơgu\m je# 1.500 bơngai jang đei yua Jên mong tơgu\m drăkăn hơto\k mu\k drăm hloh 35 tih hlj... Atu\m hăm noh đei rơbâu 'nu bơngai jang hin dơnuh oei đei tơgu\m kiơ\ trong ăn to\k io\k ưh đei io\k jên cheh, tơgu\m hơdre\ch 'long pơtăm, 'năr jang, kơmăi kơmo\k pơm jang vă hơto\k mu\k drăm. Gơnơm đơ\ng adrin âu, lơ pơmai oh hơto\k klaih đơ\ng hin dơnuh kơjăp xơđơ\ng, pơjing unh hnam jơnap gơh rơgei.

Dôm tơdrong jang hơdăh, kăp g^t đơ\ng Jơnu\m drăkăn dôm jăl tơ\ Đăk Nông hlôi pơm tơplih đon kơche\ng, trong pơm jang, che\p vei tơdrong gơh rơgei kơ bơngai jang drăkăn lơ\m pơm jang, te\ch pơdro; tơgu\m ăn lơ bơngai jang klaih đơ\ng hin dơnuh, hơto\k pơm pơdro\ng, tơgop kăp g^t lơ\m tơdrong jang xut le# pơngot tơjur hin dơnuh păng pơjing tơring pơxe\l 'nao.

Lan chih păng rapor