VOV4.Bahnar 7 – Oei pă hloh 2 giĕng dơ̆ng, 'năr akŏm tôm kon pơlei năm tăh kơphĭu pôk bơngai jang tang măt ăn Kuôk hô̆i jăl 15 păng Hô̆i đŏng kon pơlei dôm jăl jang xơnăm 2021-2026 gô đei pơtơm. Tơ̆ dêh char Đak Nông tơdrong hơmet ăn 'năr pôk rơih đei kơchăng.

Kiơ̆ Anih pơgơ̆r pôk rơih dêh char Đak Nông, lơ̆m jăl jang 2021-2026 dêh char Đak Nông đei 10 'nu lĕch măt tơgar jang tang măt ăn Kuôk hô̆i jăl 15 (lơ̆m noh đei 2 'nu Trung ương pơtruh lĕch măt) đei axong, tơbang găh hơvơn lĕch măt tơgar tơ̆ 2 anih pôk rơih. 88 'nu lĕch măt tơgar jang lơ̆m Hô̆i dod\ng kon pơlei dêh char jăl 4 đei tơlĕch tơbang găh hơvơn pôk rơih tơ̆ 14 anih pôk rơih. Truh khei năr âu, tơ̆ dêh char Đak Nông tơdrong hơlen chih hơnăn bơngai tăh hla hlôi păng tŏk bŏk đei dôm tơring tenh kuăng keh đang. Hloh 410 rơbâu bơngai tah hla hlôi kơchăng năm pôk rơih, hăm tơdrong hơpơi 'moih hăm hla kơphĭu po pôk đei dôm bơngai jang tang măt gơh rơgei, dơnưp 'lơ̆ng.

Lan chih păng pơre nơ̆r