VOV4.Bahnar - ‘Nao âu, khul jang đơ\ng Kuo#k ho#i yoa yă Triệu Thị Nái, Pho\ Kơ dră An^h vei lăng hơ dre\ch kon kông kơ Kuo#k ho#i che\p kơ\l đei jơ jur jang, dăr lăng tơ drong vei lăng, năng tông bri tơ\ Công ty jang ‘long Gia Nghĩa, dêh char Dak Nông. Khul jang đei mơ\ng lơ nơ\r pơ ma, apinh đơ\ng bơ ngai tăh kơ ph^u găh tơ drong tơ gu\m, khôi luât lơ\m tơ drong vei lăng bri [ât mă roi đunh roi đei lơ tơ drong ko\h phă bri ‘long, tơ gar io\k te\h bri hrei ‘nâu.

Công ty jang ‘long Gia Nghĩa, dêh char Dak Nông (adrol ki j^ An^h mir đak lar pơ tăm vei bri Gia Nghĩa) đei pơ jao vei lăng vă je# 11 rơ bâu ha bri. Jo# đơ\ng năr pơ jing công ty (sơ năm 2005) truh dang ei, hlôi đei dơ\ng 3000 ha bri đei ko\h phă pơm mir, pơm te\h pơ tăm ‘long, pơ tăm bơ\n [a hơ [o đơ\ng kơ hre\ng u\nh hnam tơ gar te\h. {ok Đỗ Hồng Quân, Kơ dră che\p kơ\l Công ty jang ‘long Gia Nghĩa tơ roi, công ty ăn hlo\h 50 ‘nu kăn [o#, bơ ngai jang vei lăng bri tơ\ dôm an^h jang găh sư, mă lei tôch mơ mat găh jên tơ gu\m, jên khei ưh kơ tôm vă kla ăn bơ ngai jang, tơ mam vă bơ\ jang ưh kơ măh kơ na tơ drong vei lăng bri tơ [âp lơ mơ mat tat. Lơ\m mă no\h, tơ drong kăl đei te\h cho\h jang xa kơ kon pơ lei oei xa je# bri, kon pơ lei đơ\ng nai truh oei hrei ‘nâu roi to\k, pơm mơ mat truh tơ drong vei lăng bri, pơm ăn tơ ‘ngla bri ưh kơ ke\ vei, bri ‘long roi đunh roi ie\ yoa đe ko\h phă, tơ gar io\k te\h. Bơ ngai tăh kơ ph^u Đỗ Hồng Quân, Kơ dră che\p kơ\l Công ty jang ‘long Gia Nghĩa tơ roi: “Công ty nhôn đei nơ\r apinh hăm Kuo#k ho#i, athei đei dơ\ng tơ drong tơ chơ\t lơ\m luât oei yoa hrei ‘nâu, vei lăng, găn kon pơ lei mât oei kư\ kă tơ gar io\k te\h bri; chih hơ dăh kơ so# te\h cho\h jang xa ăn kon pơ lei kon kông kơ tă tơ\ âu hơ dai hăm tơ drong cheng hơ met tơ ring oei păng tơ drong io\k yoa te\h. Kơ lih yoa đei tơ drong tơ chơ\t bơih mă lei đunh đunh athei hơ met ming mă lăp, yoa tơ drong ‘me\h vă kơ kon bơ ngai to\k ‘no\h tơ drong ‘me\h đei te\h ku\m to\k kiơ\. Tơ dăh bơ\n ưh đei che\ng hơ met tơ ring kon pơ lei oei xa hơ dai hăm tơ drong io\k yoa te\h, ‘no\h kon pơ lei mât oei kư\ kă đơ\ng nai truh hơ nơ\ng pơm mơ mat ăn tơ ‘ngla bri”.

Đơ\ng sơ năm 2005 truh dang ei, khul jang vei lăng bri kơ Công ty jang ‘long Gia Nghĩa rôp, pơ jao ăn an^h kơ pal sek tơ lang dôm j^t tơ drong yoch ko\h phă bri, ko\h io\k ‘long glăi luât, lơ\m no\h đei lơ tơ drong ko\h phă bri tih, pơm hiong răm lơ. Kiơ\ [ok Nguyễn Văn Đính, Pho\ Kơ dră che\p kơ\l Công ty jang ‘long Gia Nghĩa, đei lơ tơ drong glăi ko\h phă kơ hre\ng ha bri, tơ ‘ngla bri athei hut kơ băt dôm yơ kơ sư\k, [ât lăp pham le\ch hloi vă gơ\h rôp đei bơ ngai glăi, sek tơ lang, mă lei hơ tuch ‘no\h tơ ngla bri athei ch^u mưh bri hiong mă lei ưh đei hru\ ‘mong tơ găl vă pơ tăm ming bri. Bơ ngai tăh kơ ph^u Nguyễn Văn Đính tơ roi: “Dôm tơ drong glăi ko\h phă bri, rôp đei bơ ngai glăi, an^h sek tơ lang sek athei duh jên ăn tơ ‘ngla bri, m^nh ‘no\h dôm bơ ngai glăi athei pơ tăm ming ‘long lơ\m te\h đơ\ng đe sư phă ‘no\h, mă [ar tơ dăh ưh đei pơ tăm ming ‘no\h athei kla jên pơ tăm ming kiơ\ tơ drong sek đơ\ng an^h sek tơ lang ăn tơ ‘ngla bri vă sư hơ met ming. Mă lei, dôm bơ ngai glăi ưh đei nôp jên, tôch mơ mat tat. ‘Me\h pơ tăm ming ‘long bri tơ ‘ngla bri ku\m ưh kơ đei jên. Đơ\ng ro\ng kơ ‘no\h j^ tơ drong tơ gu\m ăn khul vei lăng bri dang ei ưh kơ lăp, jên khei ‘no\h to\ se\t, Te\h đak [ơk ưh tôm. Thoi no\h, inh apinh Te\h đak lăng năng dơ\ng tơ drong tơ gu\m vă hơ met ming mă lăp [iơ\”.

Kiơ\ [ok Trần Văn Mạnh, Kơ dră che\p kơ\l An^h jang ‘long Nghĩa Tín (găh Công ty jang ‘long Gia Nghĩa), mă tơ pă hlôi đei lơ bơ ngai ko\h phă bri tôch rơ gei. Lu sư ko\h phă, tơ gar io\k te\h, te\ch mir kiơ\ trong pơ ve\r tôch rơ gei. Mưh an^h jang kơ pal [ôh, rôp ‘no\h sek phak ưh kơ hret kơ na lu sư ưh hli. Bơ ngai tăh kơ ph^u Trần Văn Mạnh akhan, vă vei lăng ‘lơ\ng bri, ‘ngoăih kơ tơ ‘ngla bri ‘no\h rim an^h jang chinh tr^ athei vang jang hai: “Inh apinh găh luât sek tơ lang tơ drong glăi vei lăng bri, athei sek phak mă kơ tang [iơ\ vă đe hli, hơ to\k kơ so# jên phak. Mă 2 vă công ty vei đei bri athei đei tơ drong tơ gu\m đơ\ng khul kơ dră tơ ring, nhen vei lăng ‘lơ\ng kon pơ lei đơ\ng nai mât oei kư\ kă tơ\ xăh, apu\ng, th^ xăh. Nhôn mă tơ pă ưh ke\ jang tơ drong vei lăng ‘no\h”.

Kiơ\ đơ\ng dăr lăng, Khul jang đơ\ng An^h vei lăng hơ dre\ch kon kông kơ Kuo#k ho#i băt hơ dăh [iơ\ tơ drong mơ mat tat lơ\m tơ drong vei lăng bri păng te\h bri tơ\ Dak Nông tơ\ hơ năp tơ drong kon pơ lei mât oei kư\ kă (mă lơ ‘no\h kon pơ lei kon kông đơ\ng dôm dêh char găh tu) truh roi đunh roi lơ. Băt ră dôm tơ drong mơ mat tat âu, mă lei kiơ\ yă Triệu Thị Nái, Pho\ kơ dră An^h vei lăng hơ dre\ch kon kông kơ Kuo#k ho#i, Bơ ngai tang măt Kuo#k ho#i jăl 13 ‘no\h, tơ ‘ngla bri athei lăng năng kơ dih kâu jang tam tơ năp ưh ‘năi. Ưh gơ\h tơ pu\ đ^ yoa tơ drong mơ mat tat mă vei lăng ưh ‘lơ ‘lo\ păng mưh le# hiong bri đei pơ jao vei lăng ‘no\h kơ dih kâu athei pu\. Yă Triệu Thị Nái, Pho\ Kơ dră An^h vei lăng hơ dre\ch kon kông kơ Kuo#k ho#i pơ ma hơ dăh: “Vei lăng io\k yoa te\h, vei lăng bri tơ\ dôm công ty oei pơ hơi, tam kơ jăp. Kơ na nhôn athei dêh char hơ met ming tơ drong vei lăng te\h, vei lăng păng ato\k tơ iung bri ‘long lơ\m dêh char mă tro\ hăm tơ drong tơ chơ\t đơ\ng luât te\h, luât vei lăng bri ‘long păng dôm tơ drong tơ chơ\t kiơ\ đơ\ng no\h vă io\k pơ dreu dơ\ng dôm hơ găt te\h io\k yoa ưh kơ tro\, te\h đơ\ng tơ gar io\k glăi luât păng pơ jao dơ\ng ăn tơ ring vei lăng, chă che\ng song ăn dôm u\nh hnam oei ưh kơ măh te\h, mă loi j^ kon pơ lei kon kông”.

Thế Thắng: Chih

Dơ\ng: Tơ blơ\