VOV4.Bahnar - ‘Năr 22/10, Anih jang Đảng dêh char Dak Nông pơ gơ̆r Hop akŏm pơ tôch 5 sơ năm jang kiơ̆ tơ drong tơ chơ̆t Trung ương 4 jăl 12, 3 sơ năm jang kiơ̆ tơ drong jang kơ sô̆ 05 đơ̆ng Anih jang Đảng dêh char găh hơ tŏk loi dơ̆ng pơ jing, hơ met ming Đảng; tang găn tơ drong tơ jur đon tơ chĕng chĭnh trĭ, jơ hngơ̆m đon, trong arih sa, dôm tơ drong đei ƀôh chă tơ plih kơ dih lơ̆m tơ doă khŭl đảng. Hop akŏm đei pơ dăh ti vi truh 8 hơ nih pơ dăh rim apŭng, pơ lei tơm lơ̆m dêh char. Tơ lĕch tơ drong tơ chơ̆t Trung ương 4 jăl 12, Anih jang Đảng dêh char Dak Nông hlôi tơ lĕch tơ drong jang 05, pơm hơ dăh ‘lơ̆ng rim grŭp bơ̆ jang lơ̆m tơ drong đei kơ tơ ring.

Dak Nông pôk pơ ư rim khŭl tơ pôl đei jang hơ gei hloh jang kiơ̆ tơ drong tơ chơ̆t Trung ương 4 jăl XII

Rim kơ dră Đảng hlôi đei 1,2 trong jang hơ iă, hơ gei nhen rơ̆ih iŏk dôm tơ drong tơm, ưh kơ hơ iă vă akŏm chĕp kơ̆l, pơ gơ̆r, tơ ƀôh hơ len lăng kơ dih; hơ dai hăm tơ drong jang kiơ̆ tơ drong tơ chơ̆t hăm tơ drong tơ lĕch jang 1,2 trong jang, nhen “ Bơ ngai ‘lơ̆ng - Tơ drong ‘lơ̆ng”, “ Tơ̆k hơ dăh pơ lei pơ la”, tơ drong jang “ Tŭn pran trong jang hơ met ming hành chính, pơ vih pơ văn ăn kon pơ lei”, “ pơ gơ̆r chao kơ păng hŏk pơ hrăm đon tơ chĕng tơ̆ hơ la hla kơ hơ nơ̆ng rim khei”... Tơ̆ hơ năp kơnh, Khŭl chĕp kơ̆l pơ gơ̆r Anih jang Đảng dêh char Dak Nông athei kơ dră đảng rim tơ ring hơ nơ̆ng vei kơ jăp đon tơ chĕng, trong jang pơ jing Đảng, pơ jing trong vă jang, tơ lĕch ăn rim trong jang hơ dăh kiơ̆ hăm tơ drong, lăng kăl hơ len lăng, dăr lăng tơ drong hơ len lăng kơ dih, jang kiơ̆ hơ năp jang tơ roi bơ ngai jang ‘lơ̆ng păng tơ drong hơ met pơ ‘lơ̆ng tơ drong ưh tam mă ‘lơ̆ng đơ̆ng khŭl tơ pôl, kơ dih.

Thuem: Tơ blơ̆