VOV4.Bahnar - Năr 5/5, rim hơnĭh pôk rơ̆ih lơ̆m dêh char Dak Nông pơgơ̆r hop akŏm tơ ƀơ̆p pơma dơnŭh hăm bơngai tăh hla pơrô̆ hơvơn pôk rơ̆ih ăn bơngai đei hơnăn ăn pôk tơmơ̆t pơm Kơdră tang măt Kuô̆k hô̆i jăl XV păng kơdră tang măt Jơnŭm vei lăng kon pơlei dêh char jăl jang 2021-2026. Kiơ̆ tơbăt hơdăh hơnăn rim kơdră đei hơnăn ăn pôk tơmơ̆t, dêh char Dak Nông đei 10 ‘nu bơngai đei hơnăn ăn pôk tơmơ̆t pơm Kơdră tang măt Kuô̆k hô̆i jăl XV (lơ̆m au đei 2 ‘nu bơngai kơ yuơ Trung ương pơtrŭh ăn) đei klăh asong năm chă pơrô̆ hơvơn tăh hla tơ̆ 2 hơnĭh pôk rơ̆ih. 88 ‘nu bơngai đei hơnăn ăn pôk tơmơ̆t pơm Kơdră tang măt Jơnŭm vei lăng kon pơlei dêh char jăl IV, jăl jang 2021-2026 đei klăh asong năm chă hơvơn tăh hla tơ̆ 14 hơnĭh pôk rơ̆ih. Rim ‘măng hop akŏm tơ ƀơ̆p pơma dơnŭh hăm bơngai tăh hla hăm kơ bơngai đei hơnăn ăn pôk tơmơ̆t pơm kơdră tang măt Kuô̆k hô̆i jăl XV păng kơdră tang măt Jơnŭm vei lăngkon pơlei dêh char Dak Nông jăl jang 2021-2026 đei pơgơ̆r đơ̆ng năr brei, năr 5/5 trŭh năr 12//5/2021.

Tơblơ̆ nơ̆r: Amazưt