VOV4.Bahnar - Năr brei, năr 7/7, dêh char Dak Nông hlôi pơjing dơ̆ng 2 hơnĭh gak tơ̆ Trong glung 14 păng Trong glung 28 vă dăr lăng, tơroi tơbăt jơhngơ̆m jăn, tang găn jĭ hơbuh Covid-19. Hơnĭh gak mă 1 đei pơjing tơ̆ Trong glung 14 sơlam hăm dêh char Dak Lăk. Hơnĭh gak mă 2 đei pơjing tơ̆ Trong glung 28 sơlam hăm dêh char Lâm Đồng.

Rim hơnĭh gak đei tơdrong jang tang găn gre kơdau yak mơ̆t lơ̆m dêh char Dak Nông, vă chă pơtŏ lăng yŭh akau jăn, chĭh iŏk tơroi tơbăt jơhngơ̆m jăn păng tơdrong brŏk vĭh đơ̆ng tơmoi hao gre mơ̆t lơ̆m dêh char. Tơdăh ƀô̆h bơngai ayơ đei jau tơpŏh jĭ dăh mă brŏk đơ̆ng tơring đei jĭ lei ăn oei hơdrô̆ păng tơroi tơbăt hloi Dơnŏ anĭh chĕp pơgơ̆r tang găn jĭ Covid-19 dêh char vă đei trong hơmet pơ ‘lơ̆ng tơtom.

Tơblơ̆ nơ̆r: Amazưt