VOV4.Bahnar  – Hăm dôm tơdrong jang hơdăh pơklaih tơnap tap ăn anih jang mŭk drăm, dêh char Đăk Nông tŏk bŏk oei hơmet pơ 'lơ̆ng cham char tĕch pơdro vă hơvơn axong jang. Dêh char Đăk Nông 'nao pơtơm akŏm pơjing kơjă choh jang xa kiơ̆ trong 'nao ăn sâu riêng, ƀơr păng chăn hroi tơ̆ plei tơm Gia Nghĩa.

'Nâu jing tơdrong axong jang mă blŭng đei pơtơm jang đơ̆ng rŏng kơ Tơdrong “Hơ pơi tơ iung Đăk Nông” kơyuơ Anih vei lăng kon pơlei dêh char pơgơ̆r tơbăt 'Năr jang tĕch pơdro Việt Nam ăh khei adrol ki. Atŭm hăm tơdrong pơgơ̆r pôk pơ ư hăm anih jang mŭk drăm păng hơvơn axong jang,  Anih vei lăng kon pơlei dêh char Đăk Nông hlôi tơl nơ̆r truh mă hơtuch jê̆  150 nơ̆r tơgop đơ̆ng dôm anih jang mŭk drăm. Anih vei lăng kon pơlei dêh char duh pơjing khul jang kăp gĭt vă pơklaih tơnap tap ăn dôm anih jang mŭk drăm păng kon pơlei ƀơm răm đơ̆ng pơrang jĭ Covid-19.

Lan chih păng pơre nơ̆r