VOV4.Bahnar  – Năr 21/7, dêh char Đăk Nông hlôi tơchơ̆t oei tơklăh y tê̆ hăm tôm xăh Đăk Wer, apŭng Đăk R’lấp vă tang găn păng tơjră pơrang jĭ Covid-19. Kiơ̆ kơ noh, đơ̆ng rŏng kơ ƀôh đei 4 ‘nu ƀơm jĭ Covid-19 noh F1 kơ bơngai jĭ đei kơsô̆ pơkăp 60204, oei tơ̆ thôn 10, xăh Đăk Wer, apŭng Đăk R’Lấp jing bơngai jĭ brŏk đơ̆ng plei tơm Hồ Chí Minh, Anih jang y tê̆ hlôi hăt hot chơ chă đei 15 ‘nu oei tơjê̆, atŭm hăm noh pơkă tơring đei bơngai ƀơm jĭ păng pơkăp oei tơklăh hăm dôm bơngai đei tơrĕk. Mă lei vă vei xơđơ̆ng ăn tơdrong tang găn păng tơjră pơrang jĭ Covid-19 apŭng Đăk R’Lấp hlôi pơjing anih pơkăp oei tơklăh y tê̆ noh tôm tơring teh Đăk Wer. Khei năr pơkăp oei tơklăh noh 14 năr, pơtơm đơ̆ng năr 21/7 păng kiơ̆ kơ tơdrong đei ƀôh pơrang jĭ thoi yơ mă khei năr pơkăp oei tơklăh gô pơdui đunh hloh.

Lan chih păng pơre nơ̆r