VOV4.Bahnar – Năr 28/4, Đăi tă Nguyễn Văn Lư, Kơdră Anih tơm linh vei Xơlam teh dêh char Đăk Nông ăn tơbăt, Anih linh vei xơlam teh Đak Tiên, apŭng Đak Song 'nao rôp vei 2 'nu kơdâu glăi găn xơlam teh Việt Nam-Campuchia.

          Pơhlom 10 jơ năr 27/4, tơ̆ jrăng pơkăp xơlam teh 52/3, lơ̆m tơdrong chă hơlen vei lăng xơlam teh, khul linh Vei xơlam teh Đak Tiên ƀôh 2 'nu kơdâu glăi găn xơlam teh noh: Lê Văn Biều păng Lê Sơn Điền atŭm oei tơ̆ xăh Thuận Hạnh, apŭng Đak Song tŏk bŏk vă kơdâu glăi găn xơlam teh vă rôp hơnguăng kon bri. Khul linh vei xơlam teh hlôi chih hla bar pơkăp păng pơjao dôm bơngai âu ăn Anih jang Y tê̆ apŭng Đak Song 'nhăk oei pha 14 năr kiơ̆ tơchơ̆t, atŭm hăm noh pơkăl Kŏng ang apŭng Đak Song pơkăp tơkêng kiơ̆ tơchơ̆t đơ̆ng khôi luơ̆t teh đak.

Lan chih păng pơre nơ̆r