VOV4.Bahnar - Kiơ̆ đơ̆ng Dơnŏ anĭh vei lăng jang pơgang dêh char Dak Nông, trŭh dang ei dêh char hlôi jang đang 4 ‘măng ƀet vaccine tang găn jĭ Covid-19. Dak Nông jing mĭnh lơ̆m 4 dêh char lơm tĕh đak hlôi ƀet bơ̆ng vaccine keh đang ƀlep khei ‘năr tơchơ̆t. Kiơ̆ kơ ‘nŏh, lơ̆m 4 ‘măng dơnŏ anĭh vei lăng jang pơgang dêh char Dak Nông hlôi ƀet bơ̆ng đang ăn hlŏh 44.100 ‘nu bơngai, lơ̆m au đei hlŏh 6.000 ‘nu bơngai hlôi ƀet bơ̆ng jrŭm mă 2.

Rim bơngai đei ƀet vaccine tang găn jĭ Covid-19 găh khŭl ăn ƀet hơdrol ‘nŏh dôm bơngai bơ̆ jang tơ̆ rim hnam pơgang, bơngai vang jang tang găn jĭ păng kŏng nhân bơ̆ jang tơ̆ 3 hơnĭh jang kmăi kmŏk pơm tơlĕch tơmam drăm kơ dêh char. Vă đei ƀet bơ̆ng vaccine jơnei, dơnŏ anĭh jang pơgang Dak Nông hlôi pơgơ̆r ƀet tơ̆ 8 hơnĭh, ‘nŏh: Hnam pơgang tơm dêh char tơ̆ pơlei tơm Gia Nghĩa păng 7 hnam pơgang kơ rim apŭng.

Tơblơ nơ̆r: Amazưt