VOV4.Bahnar - An^h jang Mặt trận tổ quốc Việt Nam  de#h char Dak Nông hlôi sơng io\k hlo\h 2,5 ti hlak jên tơ gu\m đơ\ng ro\ng vă je# 1 khei tơ le\ch jang đ^ đăng kon pơ lei jang kiơ\ Nơ\r krao hơ vơn găh tơ gu\m tang găn j^ Covid-19 . Jo# tru\h kơ sơ\ ‘năr 21/4, đơ\ng ro\ng vă je# 1 khei tơ le\ch jang, ako\p kơ so# jên mă An^h jang Mặt trận tổ quốc Việt Nam de#h char Dak Nông sơng io\k đei đơ\ng vă je# 100 an^h jang, an^h mơ dro sa păng rim bơ ngai đei jơ hngơ\m đon ‘lơ\ng tơ gu\m ‘no\h j^ hlo\h 2,5 ti hlak jên.

Gru\p jang ngar Việt Nam tơ gu\m Dak Nông vă tang găn j^ Covid 19

‘Ngoăih kơ tơ gu\m jên măt, An^h jang Mặt trận tổ quốc Việt Nam rim apu\ng, pơ lei tơm ku\m hlôi sơng io\k lơ tơ mam ‘no\h phe, đak ‘ngam, che\h phe, đak to\h păng che gom…vă tơ gu\m rim khu\l jang to\k bo\k jang tơ drong jang tang găn j^ Covid – 19 lơ\m tơ ring păng rim tơ ring sơ lam, bơ ngai dơ nu\h hin, kon pơ lei kon kông kơ tă an^h. Mă đơ\ng pơm tơ le\ch, te\ch mơ dro to\k bo\k tơ [ơ\p lơ mơ mat tat, mă lei lơ an^h jang hlôi vang tơ gu\m Dak Nông lơ\m khei ‘năr âu.

Thuem: Tơ blơ\