VOV4.Bahnar - Đoan Gru\p an^h jang kơ te\h đak păng An^h te\ch mơ dro dêh char Dak Nông ‘nao jang hơ doi hăm Đoan Công ty Nhôm Dak Nông – TKV pơ gơ\r pơ tăm ‘long tơ\ Hnam kơ măy Alumin Nhân Cơ, xăh Nhân Cơ, apu\ng Dak R’lấp.

Hơ tâp kơ [ang chih “Pơ gar ‘long druh dăm”

Hăm hơ năn “Yoa m^nh hnam kơ măy rơ go\h ‘lơ\ng”, tơ drong jang krao hơ vơn đoan viên, druh dăm công ty adrin vang jang, pơ tăm ‘nao hlo\h 1.000 tơm ‘long ju\m dăr hnam kơ măy âu. Dôm chi đoàn găh công ty k^ pơ kăp vei rong ‘long, hăm nơ\r pơ kăp bơ\ jang to\ se\t hlo\h ‘no\h 1 tơ drong jang pơ tăm ‘long, rim đoan viên pơ tăm 1 tơm ‘long vă pơ jing cham char rơ go\h ‘lơ\ng.

Đơ\ng ro\ng kơ lêh, đe đoan viên, druh dăm công ty vang pơ tăm ‘long păng hơ tâp kơ [ang tơ drong jang “Pơ gar ‘long druh dăm”. ‘Nâu j^ tơ drong jang tôch g^t kăl tơ [ôh đon jang tơ năp, hơ nơ\ng yak hơ drol đơ\ng druh dăm vang vei lăng cham char, chơt hơ iă vă tơ băt 90 sơ năm Năr pơ jing Đoa TNCS Hồ Chí Minh (26/3).

Dơ\ng: Tơ blơ\