VOV4.Bahnar - ‘Năr 28-10, Jơ nŭm vei lăng sơ đơ̆ng dêh char Dak Nông jăl 4, jăl jang 2021-2026 pơ gơ̆r ‘Măng hop akŏm tơ drong jang, set hơ len, pơ ma dơ nuh păng pơ drơ̆ng kiơ̆ 7 tơ drong jang, tơ chơ̆t gĭt kăl hăm tơ drong hơ tŏk tơ iung mŭk drăm tơ pôl kơ dêh char.

Tơ̆ ‘măng hop akŏm, Jơ nŭm pơ gơ̆r kon pơ lei dêh char Dak Lak hlôi set hơ len, pơ ma dơ nuh păng pơ drơ̆ng kiơ̆ 7 tơ drong jang, tơ drong tơ chơ̆t, lơ̆m noh đei tơ drong: Tơ chơ̆t chih tơ roi, hơ met ming tơ drong chĕng hơ met teh pêng kơ loăi bri lơ̆m dêh char Dak Nông; tơ drong tơ chơ̆t hơ găt trong jang tơ gŭm pơ tho tơ drong jang hŏk trung kâp, kao đăng lơ̆m dêh char jăl jang 2021-2025; tơ drong tơ chơ̆t pơ drơ̆ng kiơ̆ hơ năn tơ mơ̆t dơ̆ng rim tơ drong jang kăl iŏk pơ dreo teh, tơ plih ming iŏk yua teh vă hơ tŏk tơ iung mŭk drăm, tơ pôl sơ năm 2021...

Kăl kơ lăng truh ‘noh Tơ drong tơ chơ̆t chih tơ roi, hơ met ming tơ drong chĕng hơ met pêng kơ loăi teh bri lơ̆m dêh char Dak Nông, kiơ̆ kơ ‘noh đei vă jê̆ 640hek tar đei tơ lĕch ăn ‘ngoăih chĕng hơ met bri, jang kiơ̆ tơ drong asong hla ar gơ̆h yua teh ăn kon pơ lei vă lăp hăm yan âu.

Thuem: Tơ blơ̆