VOV4.Bahnar - Dơnŏ anĭh vei lăng Tơ iung pơjing ming man Dak Nông pơm tơm jang hơdoi hăm Kŏng ty  grŭp jang  T&T păng Kơdră chĕp pơgơ̆r pơlei tơm Gia Nghĩa pơgơ̆r pơm lê̆h Tơbăt hơdăh tơdrong vă jang pơprŏ hơnĭh kơdrơ̆m tơmang pơ hiơ̆ dơnau Dak R’Tĭh.

Pơjing hơnĭh kơdrơ̆m tơmang pơ hiơ̆ cham char dơnau Dak R’Teh

Kiơ̆ kơ ‘nŏh tơdrong vă jang hơnĭh tơmang pơ hiơ̆ dơnau Dak R’Tĭh să hlŏh 1.715 ha pơ đĭ groi tĕh găh rim phương Quảng Thành, Nghĩa Phú, tơring Dak R'Moan păng dơnau đak kơ dau đak hnam kmăi đak tơlĕch ŭnh hơyŭh Dak R’Tih găh tơring Dak R'Moan (pơlei tơm Gia Nghĩa). Tơdrong vă jang au đei ming man kiơ̆ 7 hơnĭh tơ iung pơjing ‘lơ̆ng hơ iă, rơvơn găh trong nơnăm ‘nŏh đei trong tơm tơgoăt yak năm trŭh rim hơnĭh. ‘Ngoăih kơ ‘nŏh, tơdrong vă jang gô tơ iung pơjing trong hnam kăl, rim hơnĭh pơdơ̆h pơdei, hơnĭh pơchơ̆t pơ hiơ̆ tơklep hăm cham char ‘lơ̆ng rŏ trŏ lăp hăm tơdrong oei sa joăt joe kơ kon kông tơ̆ au.

Tơblơ̆ nơ̆r: Amazưt