VOV4.Bahnar  – Hăm tơdrong hơbuh hli hlơt đơ̆ng pơrang jĭ Covid-19, anih choh jang xa dêh char Đăk Nông hlôi pơjing khul tơgŭm ăn kon pơlei tĕch tơlĕch tơmam choh pơtăm đei kơ tơring. Khul jang tơgŭm tĕch tơlĕch tơmam pơtăm đei lơ̆m Anih Choh jang xa păng Hơtŏk tơring pơxĕl dêh char Đăk Nông đei 15 'nu jang. Khul đei xơnong jang hadoi hăm dôm apŭng, plei tơm tơtom pơklaih, xek tơlang dôm tơdrong tơhlăk tăk vă tơgŭm tĕch tơlĕch tơmam pơtăm đei kơ hloh hlăng, vei xơđơ̆ng tang găn păng tơjră pơrang jĭ Covid-19.

          Hơdăh khul gô hơlen hơnăn, tơtom băt dôm tơdrong tơhlăk, tơnap tap păng dôm nơ̆r pơtruh đơ̆ng dôm bơngai jang choh pơtăm. Atŭm hăm noh, akŏm tơroi tơbăt, tơlĕch trong jang tơroh bơngai jang hăm hnam kơmăi pơm tơlĕch tơmam đơ̆ng choh pơtăm, anih jang mŭk drăm tĕch tơmam ăn teh đak đe, anih akŏm răt, siu thĭ. Tơ̆ dêh char Đăk Nông, dang ei ƀơr păng sâu riêng jing ƀar kơloăi 'long xa plei đei pơtăm xăh hloh păng tŏkb ŏk ăh khei iŏk yua, mă lei kơyuơ răm đơ̆ng pơrang jĭ noh tơdrong tĕch tơlĕch oei ƀơm tơnap tap.

Lan chih păng pơre nơ̆r