VOV4.Bahnar – Anih jang Unh hơyuh Đăk Nông dang ei oei vei lăng 7 anih chô̆ unh hơyuh 110KV, hloh 4000km trong tơlei unh.

          Đơ̆ng blŭng xơnăm truh dang ei, jâ̆p dêh char hlôi đei 4 'măng răm găh unh hơyuh cao ap kơyuơ kon pơlei chă koh 'long păk kiơ̆ trong tơlei unh. Vă vei xơđơ̆ng axong unh hơyuh xơđơ̆ng adrol kơ pơyan 'mi kial đak hơbông, atŭm hăm tơdrong hơmet trong tơlei unh, PC Đăk Nông hơnơ̆ng chă hơlen choh chong 'nhĕt uh, atŭm hăm noh chă tơroi ăn kon pơlei băt nĕ chă bơbơ̆ tơ̆ dôm anih pơkăp chô̆ unh hơyuh.

          Ƀok Lê Huy Thiệp, Phŏ Kơdră Anih jang Unh hơyuh Đăk Nông ăn tơbăt: Truh khei năr âu noh anih jang hlôi pơ 'nguaih tôm 'long tih tăp dăr anih chô̆ tơlei unh hơyuh. Mă kăl tơ̆ dôm anih mă đei iŏk tơgar teh ăh jê̆ anih chô̆ unh noh anih jang hlôi jang tơnăp hăm dôm tơring vă vei lăng xơđơ̆ng tơdrong mă âu, vă xơđơ̆ng unh hơyuh lơ̆m tơring.

Lan chih păng pơre nơ̆r