VOV4.Bahnar – Vă pơm ‘lơ\ng ăn tơ drong yak vih vât păng vei sơ đơ\ng tơ\ trong nơ năm lơ\m năr pơ dơ\h lêh ‘năr 30-4 păng ‘năr 1/5, Dơ nơ\ an^h vei lăng kon pơ lei Daklak tơ le\ch hla ar athei an^h jang kơ pal hơ to\k tơ drong vei lăng păng sek tơ lang tơ păt gre, bơ ngai pơm glăi. Bơ\ jang kiơ\ nơ\r pơ tho đơ\ng Dơ no\ an^h vei lăng kon pơ lei dêh char, An^h vei lăng sơ đơ\ng tơ\ trong gre dêh char Daklak pơ jao tơ drong jang tôch rơ đăh ăn dôm khul jang kơ pal. Lơ\m no\h, An^h vei lăng trong nơ năm Daklak athei dôm an^h jang găh gre chơ tơ moi hơ to\k kơ so# gre kơ dâu, pơm lăp hăm tơ drong ‘me\h yak vih vât đơ\ng tơ moi; Khul dăr lăng tơ\ trong gre hơ to\k tơ drong dăr lăng tơ\ dôm an^h gre dơ\ng, rôp phak rim gre chă chơ bơ ngai “dơ\ng jur to\k kư\ kă” rok trong.

Mă loi, tơ\ Daklak khei ‘năr tơ je# âu hơ nơ\ng đei lơ ‘măng gre tâm băl kơ tang yoa đơ\ng kơ dâu hre\nh, chơ trăp hlo\h tơ drong, kơ na khul jang kơ pal athei tơ re\k hlo\h dơ\ng mưh dăr joang, vei lăng gre kơ dâu lơ\m năr pơ dơ\h lêh. Kiơ\ An^h vei lăng trong nơ năm dêh char Daklak, [ât năr pơ dơ\h lêh ‘năr 30-4 păng ‘năr 1-5 sơ năm ‘nâu, rim an^h jang găh gre chơ tơ moi ưh đei hơ to\k kơ jă ve\ kiơ.

Dơ\ng: Tơ blơ\