VOV4.Bahnar - Tơgu\m kon pơlei tơring sơlam te\h đak [rư\ [rư\ hlo#h vao, kang [o#, [o# đo#i Kơđông Ia Rvê, apu\ng Ea Su\p, dêh char Dak Lăk hlôi pơ\ih lơ lăm ho\k sut sa ư\h kơbăt chư ăn kon pơle\i lơ\m tơring. Tơdrong jang hơ iă au đơ\ng Dơno\ an^h [o# đo#i ve\i lăng xơlam te\h đak kơ dêh char Dak Lak sa roi pơm ăn kon pơle\i ‘mêm kơ eng hlo\h dơ\ng, tơop atu\m jơhngơ\m đon ve\i kơ jăp iăp kơtang tơring sơlam kơ Te\h đak.            8 jơ kơmăng, lăm ho\k mầm non tơ\ thôn 11, xăh Ia Rvê, apu\ng  Ea Súp, ang ê-a nơ\r bngai ‘lo\ ho\k chư. Dôm khei kơ âu, kơmăng mă yơ tơ\ tơring xơlam ataih yaih âu duh hăt hot hăm lăm ho\k xut le# ưh kơ băt chư yuơ thâu pơtho cho# kơlong jơk pơih. ‘Nâu jing lăm ho\k mă 3 mă anih linh vei xơlam teh Ia Rvê pơih tơ\ tơring, hăm tơdrong ‘meh vă tơgu\m rim kon pơlei tơ\ tơring xơlam adroi băt đo\k chư, băt chih, dar deh hơto\k tơdrong hlôh vao vă ho\k pơhrăm kiơ\ trong pơm jang păng băt vao lơ\m tơdrong pơm kiơ\ xkơ\t tơ\ tơring xơlam teh, tơchơ\t đơ\ng kơluơ\t teh đak.

            Lăm ho\k xut le# ưh kơ băt chư ‘măng mă âu đei 22 ‘nu kiơ\ ho\k, tơ\ thôn 11 păng thôn 4 kơ xăh Ia Rvê, apu\ng Ea Sup. Bngai ‘la#p hloh noh 15 xơnăm, ‘lo\ hloh noh 40 xơnăm, jing bngai năm jang tơ\ tơring ‘nao đơ\ng dôm dêh char groi kông găh tu păng đơ\ng dêh char Bến Tre truh. Bngai ho\k ‘lo\ xơnăm hloh noh ‘nho\ng Lê Văn Dũng ăn tơbăt, gơnơm đei lăm ho\k đơ\ng [ô đo#i vei xơlam teh, mă ‘nho\ng hlôi hiôk [iơ\ lơ\m tơdrong pơm jang: Inh adoi gơh chă đo\k chư [iơ\ bơih. Pơtih nhen jang mir noh ba răt pơgang vă vei hơlen ‘long pơtăm noh adoi băt chă đo\k hơlen trong io\k yua, noh inh hiôk kơ jơhngơ\m dêh.

            Truh ho\k lăm xut le# ưh kơ băt chư, pơmai Lê Thi Hà 23 xơnăm pơtơm băt chă che\p ‘long chih chă chih chư, chih kxo#. Pơmai tơroi, tơpang ti chai hơrăng yuơ che\p ‘nh^k jang mir na, mă blu\ng che\p ‘long chih tơnap dêh. chih chư oei tơnap hloh kơ hơto\k teh tơ\ tơm ‘long pơtăm. Kơ ‘năr năm jang, kơmăng noh hăt hot hơmet tơdrong jang hnam vă năm ho\k tơ\ lăm, tơnap ră mă lei pơmai ưh kơ le# ho\k vă minh năr. Pơmai Lê Thi Hà tơroi: Mu\k drăm noh oei lơ tơnap tap, mă lei ba athei adrin axong jơ ăn tơdrong ho\k pơhrăm băt kơ chư, vă đơ\ng noh ato\k tơ iung lơ\m tơdrong erih.

            {ok thây pơtho tơ\ lăm noh Trung úy Nguyễn Văn Thọ, Khul hơvơn kon pơlei, tơ\ anih linh vei xơlam teh Ia Rvê ăn tơbăt: Truh dang ei mă kăl noh kon pơlei hlôi băt đo\k chih chư, tơdrong pơkăl kơ lăm ho\k hlôi đei jang jơnei. Mă lei, ‘meh pơtoi lăm ho\k đunh đai [lep hăm xkơ\t xut le# tơdrong ưh kơ băt chư, păng tơjră hăm tơdrong hơlơ\k ưh kơ băt chư ăn lơ bngai, noh jơnu\m pơgơ\r tơring păng anih jang pơtho pơhrăm kăl tơgu\m minh păh hăm bngai ho\k vă đe ye\t da [iơ\ kơ tơnap tap, yuơ lơ bngai năm ho\k lăm âu noh jing dôm bngai jang tơm lơ\m unh hnam. Trung úy Nguyễn Văn Thọ tơroi: Tơdrong kăp g^t hloh noh đơ\ng ro\ng kơ ho\k đang, bngai kiơ\ ho\k athei băt đo\k chih chư păng băt jo# hơlen [iơ\. Gơnơm lơ\m tơdrong đei ho\k noh nhôn tơroi hăm anih kpal vă xkơ\t lăm ho\k; oei ako\m găh jơ ‘năr noh pơdui đơ\ng 1 truh 2 xơnăm, vă bngai ho\k băt hơdăh tơdrong vao keh đang tơdrong xkơ\t ho\k xut le# ưh kơ băt kơ chư, hơto\ hăm lăm 3 kơ tơdrong ho\k ăh jăl tiểu học. Noh duh pơtruh nơ\r hăm kdră kpal hơlen tơgu\m hăm dôm bngai năm ho\k, ‘ngoaih kơ hla bar ho\k pơhrăm noh bơ\n chă tơgu\m đe ye\t to\ xe\t lơ\m kplăh tơnap tap.

            Tơ\ tơring xơlam teh ataih đơ\ng anih tơm kơ dêh char Daklak pơhlom 80km, xăh Ia Rvê, apu\ng Ea Súp, đei je# tong ane# kxo# unh hnam hin dơnuh, hăm lơ noh bngai kơdâu oei xơlăh xơlang truh erih jang xa. Tơring noh xă, trong nơnăm tơnap tap, măt bngai noh răh rai, tơdrong hlôh vao tam mă dang yơ, noh jing tơdrong pơgăn hăm tơdrong ato\k mu\k drăm tơpôl, vei xđơ\ng tơpôl tơ\ tơring. Đại úy Trương Văn Hoành, jang Ch^nh tr^ pho\ tơ\ kơđông linh vei xơlam teh Ia Rvê ăn tơbăt, pơm jang tơ\ tơring, anih linh nhôn xkơ\t tơdrong hơto\k hlôh vao ăn kon pơlei jing minh lơ\m dôm xơnong jang kăp g^t mă blu\ng tơgop xđơ\ng tơdrong erih mu\k drăm tơpôl, vei xđơ\ng kjăp tơring xơlam: Nhôn jang atu\m kjăp hăm jơnu\m jang tơpôl tơring hơlen păng pơjing lơ um ru\p jang vă tơgu\m kon pơlei ato\k mu\k drăm ho\k pơhrăm tơpôl, nhen pơih dôm lăm ho\k xut le# ưh kơ băt chư, tơle\ch minh [ar um ru\p rong rơmo, đang kơ noh tơgu\m găh kih thuơ\t rong kon tơrong, choh pơtăm ăn kon pơlei băt găh dôm kơloăi ‘long pơtăm tro\ [lep hăm teh hơyuh to# ‘mi tơ\ tơring, atu\m hăm noh jang tơnăp tơdrong chă apinh jet gia pơma dơnuh hăm dôm unh hnam tơgu\m jơhngơ\m hăm teh đak, unh hnam hin dơnuh lơ\m rim ‘măng lêh tih, tết ‘nâu nai. Lơ\m tơdrong jang rim kơ năr, mă hăt noh tơdrong jang hơdăh kơ rim unh hnam noh nhôn kơtă truh tơgu\m, păng tơguăt hăm noh nhôn chă hơvơn pơtho găh kơluơ\t teh đak... tơgop tơgu\m kon pơlei xđơ\ng đon bơnôh pơm jang, tơguăt hăm hơgăt teh tơ\ tơring xơlam, atu\m hăm khul [ô đo#i vei xơlam teh, atu\m hăm khul gru\p tơ\ tơring vang vei xđơ\ng ch^nh tr^, vei xđơ\ng tơpôl, tơgop pơjing tơring xơlam roi năr roi kjăp xđơ\ng.

            Xut le# tơdrong ưh kơ băt chư, tơgu\m kon pơlei đơ\ng tơdrong jang ie\ hloh rim kơ năr, khul [ô đo#i vei xơlam teh Daklak hlôi đei kon pơlei lui ngeh păng tơguăt kjăp. Gơnơm thoi noh, dôm xơnăm kơ âu tơring xơlam teh Ia Rvê ưh kơ đei tơdrong chă mơ\t le\ch găn xơlam teh glăi. Kon pơlei adoi băt hơdăh kơchăng păng chă tơroi tơbăt tơtom, tơgop khul kpal vei xđơ\ng rơngei tơ\ tơring xơlam teh.

Lan chih păng rapor