VOV4.Bahnar  – ‘Năr brei (18/6), tang măt ăn Anih jang Te\ch pơdro păng Axong jang kơ teh đak Úc (Austrade) [ok Shannon Leahy hlôi bơ\ jang hăm Anih vei lăng kon pơlei dêh char Đăk Lăk, vă tơroi găh tơdrong hơbe\ch jang đơ\ng rim anih jang mu\k drăm Úc lơ\m tơdrong jang unh hơyuh ‘lơ\ng xơđơ\ng, chă hơlen băt tơdrong axong jang păng trong hiôk jang hadoi lơ\m khei năr ano# anăp kơnh.

Ăh jơ bơ\ jang, Pho\ Kơdră Anih vei lăng kon pơlei dêh char Dak Lak Nguyễn Tuấn Hà hlôi tơroi kơ minh [ar tơdrong đei jơnei găh hơto\k mu\k drăm – tơpôl, mu\k drăm, tơdrong pran, tơdrong axong jang đơ\ng dêh char; dôm tơdrong axong jang hơvơn lơ\m tơring păng ‘meh vă jang hadoi, axong jang đơ\ng teh đak Úc. {ok Shannon Leahy akhan, Đăk Lăk đei lơ mu\k drăm păng gô đei jơnei mưh dru\t kơtang hơto\k unh hơyuh xơđơ\ng duh nhen lơ tơdrong jang tơmang pơhiơ\. {ok hơpơi ‘măng năm apong âu gô pơjing tơdrong tơbôl vă rim anih jang mu\k drăm duh nhen axong jang đơ\ng teh đak Úc truh pơm jang, chă trong hiôk axong jang tơ\  Việt Nam pơma atu\m păng dêh char Đăk lăk pơma adro#.

Lan chih păng rapor