VOV4.Bahnar - Dang ei, mă kjă găr tiu to\k bo\k to\k kăp hloh pơtêng hăm khei năr âu xơnăm xơ\ pơhlom 60 rơbâu hlak jên 1kg, mă lei bngai pơtăm tiu păng te\ch răt tơmam drăm âu ưh kơ hơ iă, kơlih tiu ưh kơ đei lơ plei, tơdrong te\ch răt tơnap tap. Kiơ\ anih choh jang xa păng ato\k tơring pơxe\l dêh char Gia Lai, tơring dang ei đei hloh 13 rơbâu héc-ta tiu. Pơyan jang âu, yuơ răm đơ\ng hơyuh to# ‘mi, noh adro# đei 4 tấn/ héc-ta, tiu tơjur pơhlom 30% pơtêng hăm pơyan adrol ki. Hloh 30 xơnăm tơguăt hăm tơm tiu tơ\ Gia Lai, [ok  Hoàng Phước Bính - Pho\ kdră Jơnu\m jang găh tiu Chư Sê akhan, kxo# tiu xơnăm âu tơjur hloh. Lơ\m ja#p dêh char tơjur 30%, mă lei đei lơ tơring tơjur truh 70%, mă tơdrong tơm noh yuơ tơdrong tơplih ưh kơ xđơ\ng đơ\ng hơyuh to# ‘mi. Hơdăh noh, ăh pơyan chôh pơkao mă blu\ng kơ tơm tiu, đei dôm ‘măng ‘mi tih, đơ\ng ro\ng kơ noh tơplih jing to# pơđang, pơm ăn kxo# pơkao âu ưh kơ gơh kơtue\n plei.

                                                                      Lan chih păng rapor