VOV4.Bahnar - Kơsơ̆ năr 7/4, Dơnŏ anĭh vei lăng kon pơlei dêh char Kon Tum păng Hnam trương Đăi hŏk Tây Nguyên pơgơ̆r Pơm lê̆h kĭ pơkăp tơdrong jang hơdoi lơ̆m bơ̆ jang pơtho pơhrăm, chă tơchĕng khoa hŏk păng pơtho tơbăt bơ̆ jang kmăi kmŏk jăl jang 2021 - 2025.

Rup pơm lê̆h kĭ pơkăp

Tơdrong tơm kơ tơdrong jang 'nŏh vă atŏk kơtang jang ‘lơ̆ng dôm tơdrong đei kơ rim păh vă atŭm atŏk tơ iung lơ̆m rim tơdrong jang: Jang hơdoi pơtho pơhrăm ăn khŭl jang hơgei kiơ̆ rim tơdrong jang mă ƀar păh lăng trŭh vă đei jang ‘lơ̆ng lơ̆m tơdrong pơtho pơhrrăm kơ hnam trương păng tơdrong ‘mĕh vă pơtho pơhrăm kơ dêh char Kon Tum tơgŭm ăn tơdrong atŏk tơ iung atŭm ƀar păh; iung jang hơdoi chă tơchĕng khoa hŏk păng pơtho tơbăt jang kmăi kmŏk vă atŏk tơ iung rim tơmam drăm tơm, kăl kơ dêh char Kon Tum păng tơring Tây Nguyên, adoi iŏk yua jơnei dôm tơdrong đei gĭt kăl lơ̆m khei ‘năr tơplĭh tŏ ‘mi kial; iung jang jơnei rim tơdrong jang gơ̆h, đei kơ dêh char Kon Tum lơ̆m chă tơchĕng khoa hŏk păng pơtho tơbăt jang kmăi kmŏk, atŏk tơ iung hơnĭh tĕch mơdro khoa hŏk păng kmăi kmŏk, vei lăng năng tông tơdrong erĭh sa, jơhngơ̆m jăn ăn kon pơlei păng vei răk tơ ƀăk mong tơdrong oei sa jŏh ayŏ ‘lơ̆ng hơ iă tơring Tây Nguyên.

Tơblơ̆ nơ̆r: Amazưt