VOV4.Bahnar - Tơ drong kơ tâng ang đơ\ng An^h che\p kơ\l pơ gơ\r khul linh dêh char Lâm Đồng tơ roi, truh dang ei, tơ drong krao tơ dăm năm pơm linh ‘măng mă 1 sơ năm 2015 hlôi hơ met đang tôm tơ drong. Lơ\m dêh char Lâm Đồng đei 556 ‘nu tơ dăm (lơ\m no\h đei 56 ‘nu krao hiă) hlôi hơ met tôm tơ drong vă năm pơm linh. Đe tơ dăm năm pơm linh ‘măng mă âu đei loi 77% đei jơ hngâm pran kơ loăi I păng II; đei ho\k trung học chuyên nghiệp, cao đẳng păng đăi ho\k. Đei băt, sơ năm 2015, dêh char Lâm Đồng đei kơ pal pơ jao rơih io\k, krao 1.000 ‘nu tơ dăm năm pơm linh, pơm 2 ‘măng. Pơ jao linh ‘măng mă I đei dôm apu\ng: Lâm Hà, Dăm Rông, Di Linh, Cát Tiên, Dă Teh păng pơ lei tơm Đà Lạt. Tơ che\ng adrol, ‘măng mă I dôm tơ ring vă pơ jao linh lơ\m ‘năr 6/3 âu kơnh.

                                            Bngai tơblơ\ nơ\r: Dơng