VOV4.Bahnar - Kiơ̆ đơ̆ng Dơnŏ anĭh vei lăng Tơdrong jang-Bơngai rơka păng Tơpôl pơlei tơm Hồ Chí Minh, hrei au đĭ đăng rim hơnĭh pơm tơlĕch tơmam drăm lơ̆m pơlei tơm Hồ Chí Minh jei ‘mĕh vă đei bơngai jang.

Tơdrong ‘mĕh vă đei bơngai jang tơ̆ pơlei tơm Hồ Chí Minh tôch kơ lơ

Lơ̆m mă nŏh, mĭnh ƀar hơnĭh jang ‘mĕh vă đei lơ bơngai jang nhen: Tơdrong jang Tĕch mơdro tơmam drăm ‘mĕh vă đei hlŏh 7.200 ‘nu bơngai jang, tơdrong jang logistics, hơnĭh mong răk, cham mong akŏm kăl đei hlŏh 4.800 ‘nu bơngai jang, hơnĭh jang hơlen jên hu kăl đei hlŏh 3.300 ‘nu bơngai jang, hơnĭh jang ba tơmang pơ hiơ̆, hơnĭh tep pơdơ̆h, hơnĭh et sa kăl đei hlŏh 2.000 ‘nu bơngai jang, hơnĭh jang ming man kăl đei 1.600 ‘nu bơngai jang, hơnĭh jang kmăi kmŏk pơm tơlĕch tơmam drăm kăl đei 1.400 ‘nu bơngai jang,  marketing kăl đei hlŏh 1.200 ‘nu bơngai jang ... Găh tơlĕch jang tơnô̆ tơgŭm djru mă 3, ƀok Nguyễn Văn Lâm, Kơ iĕng Kơdră chĕp pơgơ̆r Dơnŏ anĭh vei lăng Tơdrong jang-Bơngai rơka păng Tơpôl pơlei tơm Hồ Chí Minh tơroi tơbăt, trŭh dang ei pơlei tơm hlôi pơtrŭh ăn hlŏh 3 trĭu 700.000 ‘nu bơngai păng kơsô̆ au hơnơ̆ng tŏk lơ kiơ̆ kơ jơ. Hơnĭh au sơkơ̆t hơdăh, trŭh năr 15/10 gô jang keh đang pơtrŭh ăn ‘măng mă 3.

Tơblơ̆ nơ̆r: Amazưt