VOV4.Bahnar - Dơ nŏ anih vei lăng kon pơ lei dêh char Dak Nông ‘nao đei hla ar chih nơ̆r pơ tho, athei hơ tŏk tơ drong jang tang găn jĭ klak nhŭng châu Phi tơ̆ dêh char, mă loi tơ̆ apŭng Tuy Đức. Kiơ̆ kơ ‘nŏh, jĭ klak nhŭng châu Phi ‘nao đei tơ̆ 1 unh hnam rong nhŭng lơ̆m apŭng Tuy Đức, pơm ăn 2 tŏ nhŭng jĭ, athei sŏh hŭt lê̆.

Tơ̆ hơ năp tơ drong ‘nâu, Dơ nŏ anih vei lăng kon pơ lei dêh char athei Anih vei lăng choh jang xa păng atŏk tơ iung tơ ring tơ rang dêh char, dôm apŭng, plt păng dôm anih jang đei ƀơm truh pơ gơ̆r bơ̆ jang mă ‘lơ̆ng dôm nơ̆r pơ tho adrol kơ ‘nŏh đơ̆ng dêh char găh tơ drong tang găn jĭ klak nhŭng châu Phi, ưh ăn đei jĭ tơ pŏh xă.

Dơ nŏ anih vei lăng kon pơ lei apŭng Tuy Đức jăh pơ gơ̆r hơ met jĭ mă tơ tĕnh, pruih pơ gang pơ lôch pơ rang jĭ tơ̆ tơ ring đei jĭ. Apŭng Tuy Đức păng anih jang kơ pal chă hơ len năng yoa kiơ mă đei jĭ klak nhŭng châu Phi tơ pŏh truh, đei trong tang găn tơ tom, ưh ăn jĭ tơ pŏh xă.

Dơ̆ng: Tơ blơ̆