VOV4.Bahnar - Kơ sơ̆ ‘năr 23/3, tơ̆ Hà Nội, Đoàn hơ druh tơ dăm cộng sản Hồ Chí Minh Anih tơm vei lăng Kŏng an pơ gơ̆r lêh tơ băt 90 sơ năm Năr pơ jing Đoàn hơ druh tơ dăm cộng sản Hồ Chí Minh păng sơng iŏk Mê đai vei lăng teh đak hạng ƀar. Pơ ma tơ̆ lêh tơ băt, Kơ dră Anih tơm vei lăng Kŏng an Tô Lâm athei rim kơ dră Đoàn anih tơm păng đoàn viên hơ druh tơ dăm lơ̆m Kŏng an kon pơ lei kăl kơ hlôh vao gĭt kăl, tôm tơ drong, tơ drong jang Kŏng an; vei kơ jăp dôm tơ drong hơ găt đơ̆ng Đảng vă pơ gơ̆r rim tơ drong jang mă lăp vă hơ tŏk hơ năp jang iung jang đơ̆ng sơ năm mơ lôh lơ̆m jang kiơ̆ jơ nei tơ drong jang chinh trĭ, pơ jing Đảng, pơ jing khŭl linh Kŏng an kon pơ lei rơ goh, pran kơ tang. Ƀlep ƀơ̆t ‘măng âu, tang măt khŭl kơ dră chĕp kơ̆l Đảng, teh đak, Kơ dră tơm Tô Lâm hlôi pôk hơ păh Mê đai vei lăng teh đak hạng ƀar ăn kơ Đoàn hơ druh tơ dăm Anih tơm vei lăng Kŏng an yua kơ dôm jơ nei gĭt kăl lơ̆m iung jang păng pơ hrăm ling lang iung jang, tơ gop lơ̆m tơ drong jang pơ jing păng vei lăng teh đak Việt Nam xã hội chủ nghĩa.

Thuem: Tơ blơ̆