VOV4.Bahnar  – Tơ̆ hnam Kuôk hô̆i, dôm anih jang kơ Kuôk hô̆i, Anih Juăt jang Kuôk hô̆i, Anih jang Kuôk hô̆i pơm lêh tơgop tơgŭm Jên mong tang găn păng tơjră pơrang jĭ Covid-19. Hăm dôm tơdrong hơbuh hli đơ̆ng pơrang jĭ Covid-19, vă vang glơng tơnap tap, atŭm jơhngơ̆m tang găn păng tơjră pơrang jĭ, pơm kiơ̆ nơ̆r hơvơn đơ̆ng Anih jang Trung ương Măt trâ̆n tôh kuôk Việt Nam, đei tơdrong drơ̆ng nơ̆r đơ̆ng khul kơpal Kuôk hô̆i, Anih jang Kuôk hô̆i pơgơ̆r tơlĕch ‘măng chă tơgŭm Jên mong tang găn păng tơjră jĭ Covid-19.

Ƀok Tổng thư kĭ, Kơdră Anih jang Kuôk hô̆i Bùi Văn Cường ăn tơbăt, âu jing tơdrong jang kăp gĭt; atŭm hăm noh pơkăl tôm bơngai tang măt ăn Kuôk hô̆i juăt jang tơ̆ dôm anih jang Kuôk hô̆i, dôm anih Anih Juăt jang Kuôk hô̆i păng tôm kang ƀô̆, bơngai jang lơ̆m Anih jang Kuôk hô̆i hăt hot pơm kiơ̆, tơgop 1 năr jên khei jang tŏk kơpal. Kơtă đơ̆ng rŏng kơ lêh tơgop, Anih jang Kuôk hô̆i hlôi pơtruh kơsô̆ jên 350 trĭu hlj truh Anih jang Trung ương Măt trâ̆n tôh kuôk Việt Nam.

Lan chih păng pơre nơ̆r