VOV4.Bahnar - Pơ gê 14/10, Phó Thủ tướng Vũ Đức Đam bơ̆ jang hăm Anih tơm vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng păng Anih tơm vei lăng trong nơ năm găh tơ drong tơ iung dơ̆ng tơ drong chă tơ mang lăng lơ̆m khei ‘năr truh. 2 tơ drong đei pơ ma nuh tôch hơ len lơ̆m hop akŏm ‘nŏh dăr dĕh pơih dơ̆ng tơ drong chă tơ mang lăng lơ̆m tĕh đak; jang pơ long năng tơ drong sơng tơ moi đơ̆ng apŭng plenh tĕh.

Phó Thủ tướng Vũ Đức Đam pơ ma lơ̆m jơ bơ̆ jang

Phó Thủ tướng Vũ Đức Đam athei 2 anih tơm jăh pơ tho tơ ƀôh tơ drong hơ găt gơ̆h vang jang lơ̆m dôm tour chă tơ mang lăng hăm jơ hngâm đon pơih dơ̆ng tơ drong chă tơ mang lăng mă hrĕnh mă lei kơ jăp, hơ bĕch hơ bal, vei kơ jăp tơ drong đei yoa. Tơ̆ hop akŏm, Phó Thủ tướng Vũ Đức Đam pơ ma hơ dăh: Anih tơm vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng hăm Anih tơm vei lăng trong nơ năm jăh tơ lĕch hla ar pơ tho, chih hơ dăh tơ drong gơ̆h vang jang lơ̆m dôm tour chă tơ mang lăng păng tơ drong yak vih vât đơ̆ng dôm tour chă tơ mang lăng. Mă loi, dôm tour chă tơ mang lăng đei ƀơm truh tơ̆ trong gre treng, trong gre păr.

Dơ̆ng: Tơ blơ̆