VOV4.Bahnar - Lơ\m khei ‘năr bơ\ jang, lơ thơ\ điên tơ\ Dak lak đei lơ tơ drong pơ che\h rơ gei, hơ met pơ ‘lơ\ng ki thuơ\t, tôch đei yoa. Kiơ\ đơ\ng no\h, vang hơ met pơ ‘lơ\ng tơ drong jang, ‘mơ ‘met đei jên, hơ to\k tơ drong đei yoa mưh bơ\ jang.

Vă je# 30 sơ năm bơ\ jang tơ\ an^h jang unh điên, lơ\m no\h 25 sơ năm bơ\ jang tơ\ Hnam kơ măy Điên cơ Dak Lak, [ok Phạm Hữu Huỳnh lăp jang 1 tơ drong ‘no\h, công nhân hơ met ming. Lơ\m khei ‘năr bơ\ jang, [ok đei lơ tơ drong pơ che\h rơ gei, hơ met pơ ‘lơ\ng ki thuơ\t, đei Công ty jang unh điên Dak Lak, Công ty tơm jang unh điên tơ ring To\k bo\k chih răk, tơ mât yoa ‘lơ\ng.

Lơ\m dôm j^t tơ drong pơ che\h, đei lơ tơ mam, kơ măy yoa [ok Huỳnh pơm hơ met [ônh mă lei tôch đei yoa. Đei lơ kơ măy đei kơ jă truh kơ hre\ng triu hlak jên nhen kơ măy ku\p điên tơ\ kơ pal, lơ\m khei ‘năr yoa mưh kơ măy hư, tơ\ ‘ngoăih ưh đei vă tơ plih, [ok hlôi pơm hơ met, đei yoa tôch ‘lơ\ng. {ok Phạm Hữu Huỳnh tơ roi, dôm tơ drong pơ che\h, hơ met pơ ‘lơ\ng ki thuơ\t adoi đei đơ\ng jơ hngâm đon ‘mêm kơ tơdrong jang, kơ na jing đei đon tơ che\ng rơ gei:

“Lơ\m khei ‘năr bơ\ jang đei lơ tơ drong mơ mat tat sư pơm tơ le\ch đon tơ che\ng vă pơ yoa ăn tơ drong jang đơ\ng bơ\n gơ\h hiôk hian [iơ\. Pơ tih gia nhen kơ măt kăt ru-lêch, hơ kâu sư dang hlo\h 200 triu hlak jên, kơ măy kơ dâu ưh đei te\ch tơ\ ‘ngoăih, mưh sư hư ‘no\h hut pơ đ^ kơ măy ‘no\h hloi. Mă lei inh pơm hơ met đei kơ măy ‘no\h ăn sư kơ dâu sơ đơ\ng ‘lơ\ng dơ\ng, ưh đei tơ drong kiơ. Tơ drong pơ che\h ‘no\h đei Công ty păng Công ty tơm chih tơ băt păng tơ mât yoa tôch ‘lơ\ng.”

J^ công nhân, ưh đei ho\k pơ hrăm tôm te\ch, mă lei [ok Phạm Hữu Huỳnh (tơ\ Hnam kơ măy Điên cơ Dak Lak) adrin chă ho\k pơ hrăm, tơ che\ng hơ len hla ar, kăl loi kiơ\ đơ\ng bơ\ jang tơ\ yăn âu, chih io\k đei lơ tơ drong kăl păng pơ che\h đei lơ tơ mam rơ gei. Hơ nơ\ng 8 sơ năm hloi công nhân Phạm Hữu Huỳnh io\k đei hơ năn Linh jang rơ gei tơ\ tơ ring, Liên đoàn Lao động hơ păh ăn [ăng khen yoa bơ\ jang rơ gei, đei An^h tơm vei lăng jang kơ măy, te\ch mơ dro hơ păh ăn [ăng khen yoa dôm tơ drong pơ che\h hơ met pơ ‘lơ\ng ki thuơ\t tôch đei yoa.

Hrei ‘nâu [ok Phạm Hữu Huỳnh vang jang găh lơ tơ drong nhen: hơ met kơ măy điên ăn hnam kơ măy păng kon pơ lei, hơ met hnam kơ măy unh điên kơ dâu hăm đak, jang cơ khí păng vang hơ len năng kơ măy unh điên. Tơ drong pơ che\h đơ\ng [ok to\k bo\k đei tơ le\ch ‘no\h hơ met pơ ‘lơ\ng đak dâu ăn kơ măy biến thế. Yoa an^h pơm tơ le\ch lăp pơm ‘long hlo\ng tơ\ lăm, đơ\ng ro\ng 2,3 sơ năm kơ măy hư, athei răt tơ plih truh kơ hre\ng triu hlak jên. Mă lei hăm tơ drong pơ che\h đơ\ng [ok Huỳnh, pơ lăp dơ\ng ‘long hlo\ng tơ\ ‘ngoăih, ‘no\h pơm ăn kơ măy gơ\h yoa roi đunh [iơ\.

Tơ dăh công nhân rơ gei đei lơ tơ drong pơ che\h lơ\m tơ drong jang điên – cơ, ‘no\h Ki sư mơ lôh Lưu Công Vĩnh (Vei lăng khul jang pơ long năng kơ Hnam kơ măy Điên cơ Dak Lak) tơ tă đei tơ drong pơ che\h găh ki thuơ\t p^t păng ăn kơ măy kơ dâu kơ dih. Đ^ đăng kơ măy kơ mo\k, đơ\ng ro\ng kơ răt io\k adoi ăn kơ dâu pơ long năng tro\ kơ so# ki thuơ\t, kơ jăp ‘lơ\ng ‘mơ\i mă gơ\h ăn tơ mât yoa. Pơ tih gia, mưh hơ len năng hă the#, mưh hơ len năng athei plơih đ^ kơ măy ‘no\h tôch hiong jơ năr, ko\ng jang păng kơ sơ đơ\ng hai.

Vă hơ met tơ drong ‘nâu, Ki sư Lưu Công Vĩnh pơm đei kơ măy hơ len năng kơ so# ăn rim kơ măy lơ\m kơ măy hă the# mă ưh kăl plơih yă kiơ. Dăh mă nhen kơ măy pơ to\ unh điên m^nh pang C.A-6250, đơ\ng ro\ng 1 khei ‘năr yoa sư hư pin, ‘me\h tơ plih athei pơm hla ar ap^nh răt hơ drol tôch đunh păng măk dơ\ng, ‘no\h pơ che\h đei tơ mam tơ plih hăm m^nh kơ loăi pin nai tôch đei yoa, sơ đơ\ng ‘lơ\ng, kơ jă reh [iơ\ hai.

Lơ\m kơ so# dôm tơ drong pơ che\h hlôi đei Công ty tơm jang unh điên tơ ring To\k bo\k chih tơ băt, tơ mât yoa, Ki sư Lưu Công Vĩnh (tơ\ Hnam kơ măy Điên cơ Dak Lak) hơ iă hlo\h j^ kơ măy t^t đơ\ng hơ tăih mưh hơ len năng kơ măy [iên ap.

“Tơ drong ‘nâu tôch đei yoa ăn bơ ngai jang, hơ met pơ ‘lơ\ng tơ drong jang, hơ to\k tơ drong đei yoa đơ\ng bơ\ jang. Adrol kơ tam đei kơ măy ‘nâu bơ ngai jang athei dơ\ng bơ\ jang tơ\ ‘ngoăih, ‘năr tôch to\ păng chinh hơ met hăm ti dơ\ng. Đơ\ng đei kơ măy âu sư da [iơ\ hiong 1 ko\ng bơ ngai jang, vă bơ\ jang tơ drong nai dơ\ng, tôch đei yoa; adrol ki 1 năr jang đei 6 kơ măy dang ei ‘no\h truh 10 kơ măy”.

Lơ\m dôm sơ năm âu ki, Công ty jang unh điên Dak Lak hơ nơ\ng tơ re\k, tơ iung tơ drong bơ\ jang, pơ che\h rơ gei. Tơ\ Hnam kơ măy Điên cơ, đơ\ng công nhân rơ gei truh ki sư mơ lôh vang jang kiơ\ păng đei lơ tơ drong pơ che\h, hơ met pơ ‘lơ\ng ki thuơ\t kăp g^t, đei tơ mât yoa lơ\m tơ drong jang tơ\ yăn âu, vang hơ met pơ ‘lơ\ng tơ drong jang, bơ\ jang roi đei yoa, hơ nhăk ăn mu\k drăm lơ.

Quốc Học: Chih

Dơ\ng: Tơ blơ\