VOV4.Bahnar - Jo# truh kơ sơ\ brei (28/2), 5 dêh char Tây Nguyên adoi hơ met ming khei ‘năr ho\k ăn rim lăm ho\k pơ hrăm. Lăng kiơ\ tơ drong đei tơ\ yăn âu păng nơ\r pơ tho đơ\ng dôm An^h tơm, an^h jang kơ pal păng An^h pơ gơ\r tang găn j^.

Dôm dêh char Tây Nguyên hlôi chih hơ dăh khei ‘năr pơ gơ\r ho\k pơ hrăm nhen: Dêh char Lâm Đồng hơ met ming, pơ tơm ăn hơ io\h mâm non păng ho\k tro jăl 1, jăl 2 pơ dơ\h ho\k truh đ^ ‘năr 8-3; ho\k tro jăl 3, sinh viên tơ\ dôm an^h pơ tho pơ hrăm păng pơ tho tơ drong jang năm ho\k dơ\ng đơ\ng ‘năr 2-3-2020.

Dêh char Dak Nông tơ chơ\t asong ăn ho\k tro đơ\ng mâm non truh lăm 9 pơ dơ\h ho\k truh đ^ ‘năr 8-3. Ho\k tro đơ\ng lăm 10 truh lăm 12, bơ ngai kiơ\ ho\k tơ\ dôm an^h pơ tho pơ hrăm hơ nơ\ng, an^h pơ tho tơ drong jang năm ho\k dơ\ng đơ\ng ‘năr 2-3. Tơ\ Dak Lak, ho\k tro jăl 3, bơ ngai kiơ\ ho\k tơ\ dôm an^h pơ tho pơ hrăm hơ nơ\ng, năm ho\k dơ\ng đơ\ng ‘năr 2-3; ho\k tro đơ\ng mâm non truh lăm 9 pơ dơ\h dơ\ng 1 gie\ng, truh đ^ 7-3.

Dêh char Gia Lai ku\m ăn ho\k tro jăl 3, bơ ngai ho\k tơ\ dôm an^h ho\k pơ hrăm hơ nơ\ng, sinh viên năm ho\k dơ\ng đơ\ng ‘năr 2-3; ho\k tro mâm non, jăl 1, jăl 2 pơ dơ\h ho\k lơ\m 1 gie\ng dơ\ng truh ‘năr 8-3. Dêh char Kon Tum drơ\ng nơ\r ăn ho\k tro jăl 3, sinh viên, dôm an^h pơ tho pơ hrăm hơ nơ\ng, an^h pơ tho tơ drong jang năm ho\k dơ\ng đơ\ng ‘năr 2-3. Hăm hơ io\h mâm non, ho\k tro jăl 1, jăl 2 hơ nơ\ng pơ dơ\h ho\k truh đ^ ‘năr 8-3-2020.

Dơ\ng: Tơ blơ\