VOV4.Bahnar - Lơ\m tơdrong hơto\k mu\k drăm, tơpôl, noh ưh lai hiơt tơdrong tơgop đơ\ng rim bơngai jang mu\k drăm. Mưh nhen lơ\m khei năr tơblăh vang sơ\, rim bơngai j^ minh kơdrăn tơblăh, vei kơjăp ăn hla kơ jơnei hiôk hian, noh ăh chăl rơngei hiôk hian, rim bơngai jang mu\k drăm j^ minh ‘nu linh găh tơdrong jang mu\k drăm tơpôl.

Lơ\m xơnăm 90, teh đak bơ\n hơto\k pran, lơ trong jang hiôk pơih ăn lơ hnưr jang mu\k drăm. Hăm đon bơnôh tơnăp păng xơnăm mơlôh, [ok Trương Gia Bình atu\m hăm khul jang po pơjing Anih Axong jang păng Hơto\k ko\ng nge# FPT, păng hlôi jing anih dui pơdjoi Internet mă blu\ng tơ\ Việt Nam. Đe xư kh^n pơjing hơnăn lang xă truh kơpal teh hloi: “Minh lơ\m dôm tơdrong kơche\ng mă nhôn ‘meh hơ ‘nhăk kơ\l ‘ngok rơgei Việt Nam le\ch tơ\ ‘nguaih teh đak, pơih xă tơdrong yua kơ\l ‘ngok rơgei kơ teh đak. Nhôn năm truh teh đak Mih pơih anih jang tơ\ Silicon Valley păng tơ\ teh đak Ấn độ. Ưh adro# jang vă đei jơnei keh kong tơ\ Việt Nam mă pơlan xă lơ\m kơpal teh hloi”. 

Bơngai jang mu\k drăm Trương Gia Bình atu\m hăm khul jang po ako\m tơdrong hơpơi, ako\m 3 tơdrong pran noh: đon kơche\ng tih – tơre\k tơguăt rơgei – hơto\k pran tenh; bơngai jang noh rơgei păng kơmăi kơmo\k jang ‘lơ\ng – hơ ‘nhăk FPT vơ\ pran. Đơ\ng minh anih juăt jang găh phần mềm, FPT jing anih jang hadoi lui ngeh kơ lơ anih jang lơ\m apu\ng plenh teh, hăm dôm kơmăi kơmo\k ‘nao đei pơm tơle\ch hăm hơnăn made in FPT - Made in Việt Nam. Lơ\m khei năr cách mạng ko\ng ng^p 4.0 – pơkăl găh tơdrong tơplih jang kiơ\ kơmăi kơmo\k rơgei tơtenh, pran - FPT duh to\k bo\k jing minh lơ\m dôm anih jang mu\k drăm yuk hơlâu.

Hăm minh tơdrong jang nai đei tơgop lơ ăn hơto\k mu\k drăm teh đak, noh jing tơdrong jang tơmang pơhiơ\ – tơroi tơbăt. {ok Trần Trọng Kiên – Kơdră Jơnu\m pơgơ\r axong jang, Kơdră dơnơm kơ Anih jang tơmang pơhiơ\ Thiên Minh jing um ai pơtih găh tơdrong gơh rơgei ưh lai yơ tôch. Đơ\ng minh anih jang ie\ hăm trong pơm jang ‘nao – tơmang pơhiơ\ pơlơ\m po, Thiên Minh hơto\k jang truh 18 teh đak, jing minh lơ\m dôm anih jang hơ ‘nhăk tơmoi tơmang pơhiơ\ dơ\ng hơlâu tơ\ tơring Châu Á, đei lơ anih khách sạn guăng ‘lơ\ng ăh anih tơm atu\m hăm lơ anih pơdơh pơdei ‘lơ\ng ro\. Kiơ\ bơngai jang mu\k drăm Trần Trọng Kiên akhan, ‘meh hơto\k tơ iung đei, athei kơche\ng tih, athei tơgar jang mă hơto\ hơnơ\ng: “Teh đak ‘meh hơto\k tơ iung noh lơ anih jang mu\k drăm athei tih pran noh pơtơm pơjing đei tơdrong pơm jang, pơtơm ke\ hơto\k tơ iung. Anih jang TMG nhôn hơpơi pơtoi hơto\k tơ iung. Nhôn gô adrin vă jing anih jang đei yua kơtih đôlar, hơbo\ gô tơre\k kơtă truh dôm j^t triu ‘nu bơngai păng tơgop ăn tơdrong hơto\k tơ iung jơnap kơ  Việt Nam”.

Ưh adro# kơ ‘nôh le\ch tơ\ đak dơx^ poh yă, lơ bơngai jang mu\k drăm nhen [ok Lê Viết Hải – Kơdră Jơnu\m pơgơ\r găh jên jang jang hloi Kơdră dơnơm kơ Anih jang ming man Hòa Bình oei hơpơi hơ ‘nhăk tơdrong ming man Việt Nam to\k ăh anih dơ\ng kơso# mônh lơ\m kơpal teh: “Việt Nam hlôi đei lơ tơdrong mă mônh: mă mônh găh kaphê, mă mônh găh te\ch phe ăn teh đak đe; lơ\m tơblăh, Việt Nam jing khul linh rơgei hloh apu\ng plenh teh... Kơlih kiưo ming man ưh gơh jing kơso# mônh? Đei ho\k găh kơmăi kơmo\k ‘nao hloh, Vinfast đe xư man hnam kơmăi lơ\m 21 khei; Hoà Phát man hnam kơmăi dôm j^ triu ta#n mam thep duh lơ\m 18 khei hlôi đei tơmam kăl. Noh jing dôm tơdrong đei jơnei găh ming man. Bơ\n đei trong hiôk vă tơdrong ming man to\k jing kơso# 1”.

Đe xư jing dôm bơngai jang mu\k drăm “jăl blu\ng”, yak hloh lơ tơnap tap, hlôi păng to\k bo\k pơjing đei hơnăn tơmam drăm ‘lơ\ng kơ Việt Nam lơ\m kơpal teh. Tơre\k hloh noh, atu\m hăm tơdrong hơpơi hơto\k anih jang mu\k drăm, hơto\k hơnăn tơmam drăm po, đe xư hlôi ako\m jơhngơ\m “pơjing mong” lơ hnưr bơngai jang pơdro ‘nao, hăm tơdrong gơh rơgei hơdăh, hlôh vao, jang tơnăp kiơ\ trong ‘nao. Đe xư lăng noh jing xơnong jang kơ tơpôl kơ dôm bơngai jang mơdro – anih jang mu\k drăm vơ\ pran jơnei keh kong.

Lan chih păng rapor