VOV4.Bahnar - Lêh pôk hơpăh Nguyễn Văn Linh ‘măng mă mônh păng pôk hơpăh hăm Kơdră Ko\ng đoan jang rơgei lơ\m ja#p teh đak ‘măng mă 4 hlôi đei pơgơ\r [ơ\t tơbăt 90 xơnăm Năr tơ iung pơjing Ko\ng đoan Việt Nam (28/7). ‘Nâu jing ‘măng pôk bơnê đei pơih xă hăm dôm tơdrong jang rơgei đơ\ng khul kơdră ko\ng đoan tơ\ tơring, anih jang rơgei lơ\m tơdrong jang ko\ng đoan. {ai chih đơ\ng Phương Thoa hlôi tơjra#m tơroi găh dôm tơdrong adrin lơ\m vei vêr xơnong pơyua ăn bơngai jang đơ\ng minh [ar Kơdră ko\ng đoan jang rơgei.

 Kơdră Ko\ng đoan kơ Anih jang Pai hu măh Tân Nguyên Hải Dương Việt Nam, dêh char Hải Dương, ‘nho\ng Trần Văn Lưỡng noh kang [o# ko\ng đoan hăm lơ xơnăm pơm jang, ‘nho\ng hơnơ\ng jang tơnăp tơdrong pơma đam, pơgơ\r hop ako\m hăm bơngai jang vă băt hơdăh tơdrong hơpơi ‘meh, xek tơlang tơtom tơdrong kăl, tơdrong tơgu\m vă vei xơđơ\ng tơdrong pơyua tơgăl ăn bơngai jang. Anih hơdăh hloh kơ bơngai kang [o# ko\ng đoan âu noh hơnơ\ng tơguăt hăm tơdrong tơle\ch jang tôm pơkăp đơ\ng teh đak găh vei xơđơ\ng tơdrong pơm jang, tang găn păng tơjră hăm tơdrong unh xa đôh, pơjing cham char pơm jang rơgoh xơđơ\ng ‘lơ\ng. Đơ\ng noh, pơjing đei tơdrong tơguăt đơ\ng tơ ‘ngla anih jang păng bơngai jang gơh xơnêp xơnoa, xơđơ\ng rơgei tơ\ anih jang. ‘Nho\ng Trần Văn Lưỡng tơroi: Inh athei băt hơdăh dôm tơdrong tơchơ\t đơ\ng kơluơ\t teh đak găh tơdrong pơyua ăn bơngai jang, jene khei, jên hơpăh păng dôm tơdrong hơpăh nai vă atu\m hăm jơnu\m pơgơ\r anih jang mu\k drăm pơjing tơdrong hơ iă hăm anih jang atu\m, kiơ\ kơ tơdrong ke\ đei đơ\ng anih jang mă tơle\ch lơ tơdrong tơchơ\t atu\m hăm tơdrong pơyua ăn bơngai lơ hloh kơluơ\t pơkăp.

Hăm ‘nho\ng Phan Phi Dũng, Kơdră anih jang ko\ng đoan kơ Anih jang Mu\k drăm Cham char dêh char Vĩnh Long, tơje# hăm noh jang atu\m hăm Jơnu\m pơgơ\r kơ Anih jang pơgơ\r Hop ako\m kang [o#, bơngai jang tro\ pơkăp, ‘nho\ng oei pơjing păng hơto\k tơdrong tơra jên jang hăm 95 ‘nu vang jang, ako\m kơxo# jên đei 19 triu hlj minh khei păng hơvơn, tơgop jên mong lơ\m tơpôl truh kơ hre\ng triu hlj. Tơje# hăm tơdrong vei xơđơ\ng xơnong pơyua ăn kang [o# bơngai jang, ‘nho\ng Phan Phi Dũng oei đei lơ tơdrong rơgei pơyua ăn anih jang: Adrol ki kơdih po inh vang jang lơ\m tơdrong jang VLAP tơdrong jang ‘nao tơroi pơtơ\ng găh teh, đơ\ng ro\ng kơ đei nơ\r tơgop đơ\ng anih tơm noh inh atu\m hăm khul jang hlôi năm hơlen pơgơ\r jang, truh dang ei tơdrong jang noh hlôi keh đang. Jo# hơlen ‘măng ako\m pơm jang noh tơgu\m mong đei Jên mong kơ teh đak hloh 16 tih hlj.

Kiơ\ kơ ‘nho\ng Nguyễn Văn Hùng, Kơdră Ko\ng đoan Anih jang Kơmăi kơmo\k ming man Đại Dũng, plei tơm Hồ Chí Minh, vă jang tơnăp xơnong tang măt ăn bơngai jang, minh lơ\m dôm tơdrong ưh gơh kơ[ah noh tơdrong pơma dơnuh hăm khul kơpal kơ anih jang mu\k drăm. Hăm xơnăm oei mơlôh mă lei  Hùng jing bơngai hơ[ăp, tơnăp hăm xơnong jang, ‘nho\ng kơtă hơlen tơdrong jang tơnăp hăm dôm tơdrong tơchơ\t pơm jang ăn khul. Lơ\m noh, pơma đam hăm Jơnu\m pơgơ\r găh lơ tơdrong pơyua ăn bơngai lơ hloh pơtêng hăm pơkăp đơ\ng kơluơ\t teh đak nhen jên xa ăh tong ane# ‘năr jang, tơdrong tơgu\m ăh pơdơh rơneh hơ ioh. Kơdih chă pơtruh nơ\r păng kơtă vang jang hăm bơngai jang chă ako\m, hơmet păng jang kiơ\ pơkăp rơngei hiôk hian tơ\ anih jang mu\k drăm. Tơje# hăm noh, Nguyễn Văn Hùng oei pơkăl io\k pơtho pơhrăm jang hadoi ăn bơngai jang ‘nao mơ\t jang lơ\m anih jang păng hla bar kăl găh jang hadoi ăn anih jang, đơ\ng noh tơjur [iơ\ tơdrong pơdơh kơ jang lơ\m khei năr ‘nao pơhrăm tơdrong jang păng lơ\m xơnăm mă blu\ng pơm jang đơ\ng bơngai jang: Kang [o# ko\ng đoan athei đei xơnong jang tơnăp, athei tơguăt hăm bơngai jang, đơ\ng noh pơtơm chă hơlen vao tơdrong hơpơi ‘meh đơ\ng bơngai jang, vă đei trong pơđăp hăm khul kơpal anih jang. Mă kăl noh găh hlôh vao kơluơ\t pơkăp, gơh pơma xa vă tơgu\m bơngai jang. Hlôh vao găh tơdrong jang, trong pơkăp kơdih đơ\ng anih jang. Đơ\ng noh ‘măng pơma đam hăm anih io\k bơngai jang pơtơm đei jơnei tơnăp hloh.

‘Nâu jing 3 lơ\m kơxo# 90 kang [o# ko\ng đoan tơ\ tơring jang rơgei đei pôk hơpăh lơ\m tơbăt 90 xơnăm Năr tơ iung pơjing Ko\ng đoan Việt Nam, jing dôm kang [o# ko\ng đoan tơnăp hăm tơdrong jang, vei xơđo\ng xơnong jang tang măt, tơre\k tơvei ăn tơdrong pơyua tro\ [lep, tơgăl kơ bơngai jang lơ\m khei năr âu ki.

Lan chih păng rapor