VOV4.Bahnar - Kŏng ty Cổ phần vaccine Việt Nam (VNVC) ‘nao tơbăt, tơchĕng lăng đơ̆ng khei 7 kơnh, lơ̆m 1 giĕng gô đei 1 trĭu kơ liêu vaccine AstraZeneca vĭh tơ̆ Việt Nam. ‘Nau pơgang vaccine lơ̆m drơ̆ng mĭnh nơ̆r răt iŏk 30 trĭu kơ liêu vaccine đơ̆ng Kŏng ty. VNVC ‘nŏh hơnĭh mă blŭng chơ ba hlŏh 176.000 kơ liêu vaccine tang găn jĭ Covid-19 AstraZeneca vĭh tơ̆ Việt Nam đơ̆ng vă đĭ khei 2. Đĭ đăng vaccine au đei pơjao ăn Dơnŏ anĭh tơm vei lăng jang pơgang tơgŭm ăn bơ̆ jang tang găn jĭ hơbuh ‘moi kiơ̆ răt tơgum ăn. Jei ƀơm trŭh vaccine, đei Khŭl kơdră tĕh đak pơjao ăn, kơsơ̆ năr 20/6, tơ̆ cham gre păr Apŭng plĕnh tĕh Nội Bài, Hơnĭh jang Hơpeh hơpong Trung ương, găh Dơnŏ anĭh tơm jang Tơbôl păng Dơnŏ anih tơm vei lăng jang pơgang hlôi iung jang hơdoi hăm Dơnŏ anih tang măt tĕh đak Cộng hòa nhân dân Trung Hoa tơ̆ Việt Nam sơng hơvơn 500.000 kơ liêu vaccine Vero-Cell kơ Sinopharm.

Tơblơ̆ nơ̆r: Amazưt