VOV4.Bahnar - Pơ gê (24/6), tơ̆ Anih jang kơ Khul kơ dră tĕh đak, Phó Thủ tướng Vũ Đức Đam, Kơ dră Anih pơ gơ̆r jang kơ tĕh đak găh tang găn jĭ Covid-19 hôp trư̆k tuyê̆n hăm kơ dră chĕp kơ̆l dêh char Đồng Nai găh dôm trong jang tang găn jĭ hrei ‘nâu.

Pơ ma nơ̆r pơ tho lơ̆m hop akŏm, Phó Thủ tướng Vũ Đức Đam tơ tă, Đồng Nai oei tơ ter plt HCM, hlŏh 1 puăt triu ‘nu công nhân lơ̆m tơ ring jang kơ măy, đei tơ nŏk duk, tơ til hăm Bình Dương,… tơ dăh lê̆ jĭ tơ pŏh truh ‘nŏh “jing tôch mơ mat tat”, yoa thoi nŏh athei vei kơ jăp ‘lơ̆ng bơ ngai đơ̆ng plt HCM, Bình Dương năm tơ̆ Đồng Nai păng vih hơ lơ̆k dơ̆ng.

Phó Thủ tướng pơ ma hơ dăh: Vei kơ jăp âu ưh kơ sĭ “kâm ưh ăn yak mât lĕch hloi ôh”, mă athei hơ tŏk iŏk yoa kơ măy kơ mŏk ‘nao vă vei lăng bơ ngai vih vât. Hăm công nhân, mă loi ‘nŏh bơ ngai arih xa đơ̆ng nai, bơ̆ jang tơ̆ dôm anih jang lơ̆m dêh char Đồng Nai, athei đei trong vei lăng tơ drong yak vih vât, jơ bơ̆ jang tơ̆ rim anih jang, hnam kơ măy.

Dơ̆ng: Tơ blơ̆