VOV4.Bahnar - Đơ\ng ro\ng kơ Tết nguyên đán, Tây Nguyên pơma atu\m păng dêh char Gia Lai pơma adro# mơ\t ăh khei tơm kơ pơyan phang, lơ hơgăt bri to\k bo\k hiôk [ơm unh xa hli hlơt. Jơnu\m pơgơ\r tơring, rim anih jang kpal, tơ ‘ngla bri hlôi tơle\ch lơ trong jang vă tang găn unh xa bri. {ai chih tơ\ hơla âu tơroi găh tơdrong jang tang găn păng p^t unh xa bri tơ\ apu\ng Chư\ Păh, dêh char Gia Lai:

Bri hmo\ Ia Ly tơ\ apu\ng Chư\ Păh, dêh char Gia Lai xă hloh 12.000ha, mă lơ noh bri ‘long hơ ngo. Hăm hơyuh to# phang, kial kơtang păng ‘nhe\t kro lơ, bri hmo\ Ia Ly hiôk [ôm unh xa. Đơ\ng ro\ng kơ Tết Bính Thân, ăh khei tơm kơ pơyan phang, kang [o#, bngai jang lơ\m Anih jang păng Jơnu\m pơgơ\r tơring kơdih tơle\ch lơ trong tang găn păng p^t unh xa bri. {ok Vũ Văn Thảo, Pho\ kdră Jơnu\m vei hơlen bri hmo\ Ia Ly ăn tơbăt, adrol ki bri hơnơ\ng [ôm unh xa, mă lei 2 xơnăm kơ âu, gơnơm jang tơnăp tơdrong hơlen tang găn păng p^t unh xa, bri hmo\ Ia Ly tam mă [ôh unh xa yơ ôh: “Găh tơm noh tôm tơdrong hơmet khul jang ăh pơyan phang đei pơgơ\r tơnăp bơih. Nhôn hlôi pơtơm gak hơlen măng năr hloi păng ako\m khul năm hơlen, tơguăt hăm unh hnam kon pơlei io\k vei lăng bri duh nhen jơnu\m pơgơ\r tơring, anih jang hơlen bri vă jang tơnăp tơdrong tang găn păng p^t unh xa bri”

Tơdrong hơvơn kon pơlei tơ\ tơring atu\m vang jang lơ\m tơdrongvei lăng bri pơma atu\m păng tang găn păng p^t unh xa pơma adro# tơ\ dêh char Gia Lai lơ\m dôm xơnăm kơ âu hlôi đei jơnei kăp g^t. Lơ hơgăt bri đei vei lăng tơnăp hloh. Lơ\m 2 xơnăm kơ âu, gơnơm đei jên axong đơ\ng Anih mong găh vei lăngc hamc har bri noh tơdrong muih choh pơ ‘ngoaih ‘nhe\t kro đei tơle\ch jang đơ\ng blu\ng pơyan phang hloi. Đơ\ng noh, tang găn [iơ\ tơdrong unh xa bri păng mưh đei unh xa noh adoi tơpăt unh xa tenh mơ\n. Pơgơ\r ăn kon pơlei năm jang găh tang găn unh xa bri ăh blu\ng puih mak, [ok Rơ Chăm Pháo, Kdră Khul io\k pơkă veilăng bri pơlei  Duôch 1, xăh Ia Kreng, apu\ng Chư\ Păh, dêh char Gia Lai, ăn tơbăt: “Kơdih po inh hơnơ\ng hơvơn kon pơlei vang jang tơnăp vei lăng bri. Hơvơn pơtho vă mih ma duch nă ne\ gan muih roh xoh jơmu\l jang mir. Pơyan phang noh athei xoh unh mă xđơ\ng, ako\m xoh le# mă tơnăp dôm tơmam [ônh tro\ unh xa păng pơ ‘ngoaih trong pơgăn unh xa rok truh tơ\ bri lơ\m pơyan phang ”

Kiơ\ tơdrong hơlen, ja#p dêh char Gia Lai dang ei đei hloh 700.000 ha bri. Lơ\m noh, hơgăt bri mă hiôk [ơm unh xa noh pơhlom 40%, ako\m tơ\ dôm apu\ng Chư\ Păh, Đức Cơ, Chư\ Prông, Chư\ Sê, Mang Yang, Krông Pa pănga pu\ng Ia Pa. Lơ\m kplăh noh, kiơ\ tơdrong tơroi đơ\ng anih jang hơlen hơyuh to# ‘mi Tây Nguyên, pơyan phang xơnăm 2016 âu oei kơtang hloh kơ dôm xơnăm adrol ki, to# pơđang đunh năr, pă jor đei unh xa bri hli hlơt. Yuơ noh, rim anih jang kpal păng tơ ‘ngla bri athei tơle\ch lơ trong tang găn păng p^t unh xa bri, kơchăng khul jang, tơmam drăm, kmăi kmo\k vang p^t unh xa. Atu\m hăm noh, rim tơ ‘ngla bri tơle\ch chă hơlen dôm tơring tơm hiôk [ơm unh xa. {ok Trương Văn Nam, Pho\ kdră Anih jang hơlen bri apu\ng  Chư\ Păh, dêh char Gia Lai xkơ\t:“Truh dang ei lơ\m tơring kơ apu\ng đei 4 anih jang tơ ‘ngla bri hlôi jang keh đang tơdrong tang găn păng p^t unh xa bri. Hlôi jang tơdrong pơkăp hăm bri nhen muih choh chor trong tanggăn unh xa păng gak hơlen măng năr hloi, tang găn tơdrong lang xă unh xa bri lơ\m xơnăm 2016.”

Tây Nguyên to\k bo\k ăh khei tơm kơ pơyan phang, tơdrong tơle\ch dôm trong tang găn păng p^t unh xa bri noh g^t kăl hloh. Dôm năr pơchơt puih mak xơng Tết, mă lei khul linh vei lăng bri tơ\ Gia Lai duh ưh kơ hiơt xơnong jang tang găn păng p^t unh xa bri.

Tơblơ\ păng rapor: Lan