VOV4.Bahnar - {ok Nguyễn Hữu Dũng-Kơ ie\ng Kơdră che\p pơgơ\r Dơno\ an^h Trung ương MTTQ Việt Nam, kơdră jang lơ\m Dơno\ an^h che\p pơgơ\r atu\m hăm khu\l bơ\ jang kơ Dơno\ an^h che\p pơgơ\r Trung ương găh tơ iung pơjing Tơdrong vă jang trong jang vei lăng kơ d^h kơ pơlei hlôi đei jơ bơ\ jang hăm Dơno\ an^h Đảng dêh char Gia Lai. Kiơ\ đơ\ng ch^h jo#, lơ\m dêh char Gia Lai hrei au đei 7.542 trong jang vei lăng kơd^h kơ yuơ rim khu\l jang ch^nh tr^-tơpôl păng m6nh [ar hơn^h bơ\ jang [ơm tru\h jang hơdoi vang pơjing, ako\m lơ\m rim tơdrong jang nhen: vei lăng sơđơ\ng, vei lăng cham char, ato\k tơ iung mu\k drăm, xut xa pơngot rơve\t tơjur dơnu\h, tơ iung pơjing tơring tơrang ‘nao, hơn^h kơdrơ\m gơ\h hơgei oei sa ‘lơ\ng. Iung pơma tơ\ jơ bơ\ jang, [ok Nguyễn Hữu Dũng athei lơ\m khei năr kơnh, Khu\l kơdră che\p pơgơ\r Đảng dêh char Gia Lai hơnơ\ng lăng ba che\p pơgơ\r, pơro# iung jang pơgơ\r hop ako\m hơlen pơtôch jang kiơ\, hơlen tơdrong io\k đei jơnei kơ rim trong jang kơd^h vei lăng kơ pơlei lơ\m dêh char vă ato\k kơtang lang să dôm trong jang ‘lơ\ng, hơ iă, hle, jơnei.

Tơblơ\ nơ\r: Amazưt