VOV4.Bahnar - Năr bre\i, năr 11/1 tơ\ Hà Nội, Dơno\ an^h ve\i lăng kon kông pơgơ\r Hop ako\m pơtôch tơdrong jang sơnăm 2016, tơle\ch tơdrong jang sơnăm 2017.

Dơno\ an^h ve\i lăng kon kông tơle\ch trong jang lơ\m sơnăm au tơgu\m djru trong ato\k tơ iung mu\k drăm – tơpôl tơring kon kông păng groi kông kiơ\ trong koăng, kơ jăp ‘lơ\ng, pơm vă đe\i [o#h le\i lăi d^h băl [ar păh rim hơdrong, tơring tơrang.

Ako\m khu\l jang jên hu ăn ato\k kơtang cho\h jang sa, xut xa pơngot tơve\t tơ jur dơnu\h; ato\k kơtang tơmơ\t jên jang trong hnam mu\k drăm – tơpôl, tơ iung pơ jing tơring tơrang ‘nao; ato\k kơtang khu\l bơ\ jang hơge\i jang kiơ\ bơ\ jang ve\i lăng kon kông.

{ok Hà Hùng, kơ ie\ng Kơdră che\p pơgơ\r Dơno\ an^h ve\i lăng kon kông tơbăt: “Sơnăm 2017, an^h au ako\m chă tơche\ng pơ jing păng pơgơ\r jang kiơ\ jơne\i rim trong jang tơgu\m kon kông; ato\k kơtang ato\k tơ iung pơtho pơ hrăm, pơ jing đe\i khu\l bơ\ jang tơring kon kông, groi kông hơge\i. Ato\k ‘lơ\ng bơ\ jang ve\i lăng jơhngơ\m jăn kon pơle\i tơring kon kông păng groi kông. Ato\k kơtang bơ\ jang ve\i răk tơ [a\k mong tơdrong oe\i sa joăt joe ‘lơ\ng hơ iă rim hơdrung kon kông.” 

Tơblơ\ nơ\r: Amazư\t