VOV4.Bahnar - Ngày 25/11, Dơno\ an^h ve\i lăng kon pơle\i dêh char Dak Nông jang hơdoi hăm Dơno\ an^h tơm Pơma tơbôl pơgơ\r Hop ako\m hơlen hơdăh tơdrong băt vao vang mơ\t hơdoi apu\ng ple\nh te\h sơnăm 2015.

Pơma ăh jơ hop ako\m, [ok Cao Huy, Pho\ kdră anih vei lăng kon pơlei dêh char Dak Nông ră hơdăh, jang hadoi lơ\m apu\ng plenh teh, pơih xă ako\m te\ch pơdro hăm dôm teh đak lơ\m tơring păng lơ\m kpal teh jing minh tơdrong tơm lơ\m ato\k tơ iung kơ teh đak bơ\n pơma atu\m păng dêh char Đak Nông pơma adro#. Yuơ noh, kiơ\ dôm tơdrong tơroi tơbăt lơ\m ‘măng hop ako\m âu, dôm anih jang, rim tơring kăl jang tơnăp hloh tơdrong jang hadoi lơ\m apu\ng plenh teh găh mu\k drăm tơ\ anih jang po. Dôm anih jang lơ\m tơring kơ dêh char duh ato\k tơ iung hơnơ\ng vă hlôh vao hloh lơ\m khei năr jang hadoi lơ\m kpal teh vă yak hloh dôm tơdrong tơnap tap, păng ato\k tơ iung kjăp hloh lơ\m khei năr truh.

Lan chih păng rapor