VOV4. Bahnar - Năr 29/12, Khŭl bơ̆ jang kơ Dơnŏ anĭh chĕp pơgơ̆r Trung ương kơ yuơ ƀok Hoàng Đăng Quang, Kơ iĕng Kơdră chĕp pơgơ̆r Dơnŏ anĭh chĕp pơgơ̆r Trung ương pơm kơdră khŭl hlôi bơ̆ jang hăm Khŭl kơdră chĕp pơgơ̆r Đảng dêh char Dak Lăk găh tơdrong “Dăr lăng tơdrong jang kiơ̆ vei lăng ƀiên chê̆”.  

Dơnŏ anĭh chĕp pơgơ̆r Trung ương bơ jang tơ̆ Dak Lăk

Jăl jang 2016-2021, dêh char Dak lăk hlôi tơjur hlŏh 10% akŏp ƀiên chê̆ đei pơjao păng hơmet ming pơ ‘lơ̆ng khŭl jang ƀlep hăm tơdrong tơchơ̆t. Lơ̆m dêh char tơjur 466 ‘nu bơngai lơ̆m ƀiên chê̆ rim hơnĭh bơ̆ jang tĕh đak, tơjur 4.377 ‘nu bơngai bơ̆ jang lơ̆m hơnĭh jang kơ tĕh đak păng tơjur 543 ‘nu bơngai lơ̆m khŭl kang ƀô̆ chĕp pơgơ̆r tơring. Tơ̆ jơ bơ̆ jang, ƀok Hoàng Đăng Quang, Kơ iĕng kơdră Dơnŏ anĭh chĕp pơgơ̆r Trung ương athei dêh char Dak Lăk hơnơ̆ng dăr lăng, tơmơ̆t dơ̆ng, pơm pơkeh tơdrong bơ̆ jang, tơdrong gơ̆h jang rim hơnĭh jang tơring tơrang vă hơmet pơ ‘lơ̆ng hơdrom dĭh băl; sơkơ̆t hơdăh hơnĭh jang tơdrong jang, hơlen pơ ‘lơ̆ng tơdrong tơchơ̆t ƀiên chê̆. Hơnơ̆ng hơmet pơ ‘lơ̆ng khul jang, kơ toĕl ‘lơ̆ng hơ iă, ư̆h kơ gơ̆h tơchơ̆t hơtŏ dĭh băl lơ̆m tơjur ƀiên chê̆.

Tơblơ̆ nơ̆r: Amazưt