VOV4.Bahnar - Tơ̆ Hop akŏm Dơnŏ anĭh jang Mŭk drăm kơ Kuô̆k hô̆i lơ̆m năr 24/6, Kơdră chĕp pơgơ̆r Dơnŏ anĭh tơm jang jên hu Hồ Đức Phớc pơma hơdăh, au ki Dơnŏ anĭh bơ̆ jang Kuô̆k hô̆i hlôi drơ̆ng nơ̆r tơlĕch ăn 14.000 ti hlak jên đơ̆ng kon jên jang Trung ương, atŭm hăm kon jên đơ̆ng Hơnĭh mong răk Vaccine tang găn jĭ Covid-19 dang 8.000 ti hlak jên, akŏp đĭ đăng 22.000 ti hlak jên, vă jê̆ tôm vă ƀet vaccine tang găn jĭ Covid-19 ăn 75 trĭu ‘nu kon pơlei, lơ̆m 1 ‘nu 2 jrŭm. Vă đĭ khei 5, Dơnŏ anĭh bơ̆ jang Kuô̆k hô̆i tơchơ̆t iŏk yua 12.100 ti hlak jên đơ̆ng kon jên pơkom sơnăm 2020 vă răt vaccine tang găn Covid-19. Hăm vă răt 150 trĭu vaccine ăn dang 75 trĭu ‘nu bơngai, Dơnŏ anĭh tơm jang jên hu hơlen dang 25.200 ti hlak jên.

Tơblơ̆ nơ̆r: Amazư̆t