VOV4.Bahnar - Pơgê năr 21/6, Khŭl Đảng Kŏng ang Trung ương, kơ Dơnŏ anĭh tơm Kŏng ang pơgơ̆r Hop akŏm pơtôch bơ̆ jang Kŏng ang 6 khei blŭng sơnăm 2021. Tơbăt tơ̆ hop akŏm pơma hơdăh: đơ̆ng blŭng sơnăm trŭh dang ei, khul Kŏng ang kon pơei hlôi hơdrin đĭ jơhngơ̆m, akŏm tơlĕch jang kơtang rim tơdrong jang, trong bơ̆ jang hlôi tơlĕch ăn vă jơnei rim trong tơlĕch ăn kơ sơnăm 2021.

Kơdră chĕp pơgơ̆r Tĕh đak Nguyễn Xuân Phúc vang năm Hop akŏm pơtôch bơ̆ jang Kŏng ang 6 khei blŭng sơnăm

Iung pơma tơ̆ Hop akŏm, Kơdră chĕp pơgơ̆r Tĕh đak Nguyễn Xuân Phúc pơma hơdăh: “Lơ̆m khei năr mơmat tat kơ tơdrong jĭ hơbŭh, tơdrong phă pơrăm kơtang đơ̆ng ayăt, Dơnŏ anĭh tơm Kŏng ang hlôi kơrŭn đĭ jơhngơ̆m, iung jang hơdoi kơ jăp hăm rim khŭl nhen Khŭl Ƀô̆ đô̆i, rim khŭl đảng tơring, Mặt trận Tổ quốc... vă akŏm hơvơn khŭl jang, tơlĕch trong jang vei lăng sơđơ̆ng rim tơdrong pơgơ̆r tĭh kơ tĕh đak. Mă hơdăh nhen Pơm lê̆h hop akŏm Đảng ‘măng mă XIII, pôk rơ̆ih Kuôk hô̆i, pôk rơ̆ih Jơnŭm vei lăng kon pơlei ..., jơnei keh kong rim trong tơlĕch jang".

Tơblơ̆ nơ̆r: Amazưt