VOV4.Bahnar - Dơnŏ anĭh tơm vei lăng Hnam trương pơtho pơhrăm ‘nao pơtrŭh hla bơar ăn Dơnŏ anĭh vei lăng kon pơlei rim dêh char, pơlei tơm găh pơjing rơvơn tĕch mơdro kơsơ̆p hla bơar hŏk pơhrăm tơgŭm ăn pơyan hŏk ‘nao 2021-2022. Hrei au, dang 95% kơsơ̆p hla bơar hŏk hlôi ba ăn trŭh rim dêh char. Mă lei, tơdrong chơ iŏk kơsơ̆p hla bơar hŏk đơ̆ng rim hnam mong, Kŏng ty tĕch tơlĕch năm tơ̆ apŭng, tơring, rim hnam trương păng mĕ ƀă hŏk tro, hŏk tro, ƀok thây kô pơtho hơdrol sơnăm hŏk ‘nao tŏk bŏk tơ ƀơ̆p tơnap tap, mă kăl ‘nŏh tơ̆ rim tơring tŏk bŏk pơm kiơ̆ ăn oei hoătih dĭh băl. Dơnŏ anĭh tơm vei lăng hnam trương pơtho pơhrăm athei rim tơring pơjing rơvơn ăn tơdrong chă chơ choĕn, pơtrŭh ăn kơsơ̆p hla bơar ‘nao trŭh tơ̆ hnam trương, hŏk tro păng mĕ ƀă hŏk tro vă tơtom hơmet ăn sơnăm hŏk ‘nao 2021-2022.

Tơblơ̆ nơ̆r: Amazưt