VOV4.Bahnar - Jang kiơ̆ nơ̆r krao hơvơn đơ̆ng Dơnŏ anĭh Trung ương MTTQ Việt Nam păng Khŭl kơdră tĕh đak, Công đoàn Dơnŏ anĭh tơm vei lăng Tơ iung pơjing ming man hlôi tơlĕch jang tơgŭm djru păng chă hơvơn đei 1 ti hlak jên vă tơgop lơ̆m bơ̆ jang tang găn jĭ Covid-19.

‘Nau jing tơdrong tơgop tơpă ‘lơ̆ng hơ iă đơ̆ng kang ƀô̆ bơngai jang kơ Dơnŏ anĭh tơm vei lăng Tơ iung pơjing ming man, hăm jơhngơ̆m đon “tang găn jĭ nhen tang găn ayăt”, tơdrong joăt joe hơdrĕch hơdrung “tơgŭm djru ‘mêm kơ eng dĭh băl”, tơdrong tơgoăt tơgoăl lơ̆m kon pơlei pơla. Sơng iŏk tơdrong tơgop, tơgŭm djru Hơnĭh mong răk Vaccine tang găn jĭ Covid-19 đơ̆ng kang ƀô̆, bơngai jang kơ Dơnŏ anĭh tơm vei lăng Tơ iung pơjing ming man, Bí thư Trung ương Đảng, Kơdră chĕp pơgơ̆r Dơnŏ anĭh Trung ương Mặt trận Tổ quốc Việt Nam Đỗ Văn Chiến hmach bơnê tơdrong vang tơgop đơ̆ng rim bơngai jang hlôi tơgŭm djru ăn Hơnĭh mong răk; adoi pơkăp gô iŏk yua kon jên mong au ƀlep tơdrong, jơnei ‘lơ̆ng, mă kăl tơgŭm ăn tơdrong jang ƀet bơ̆ng vaccine tang găn jĭ ăn bơngai jang erĭh sa mơmat tat, bơngai dơnŭh, bơngai oei tơ̆ tơring atăih yăih.

Tơblơ̆ nơ̆r: Amazưt