VOV4.Bahnar - Vă tơgop atu\m hăm tơpôl tang găn păng tơjră j^ Covid-19, dôm jăl jang drăkăn tơ\ Đăk Lăk đei lơ trong tơnăp chă tơroi tơbăt hơvơn đe pơmai oh. Kiơ\ đơ\ng noh, hlôh vao găh pơrang j^ đơ\ng lơ pơmai oh drăkăn, mă kăl noh tơ\ dôm tơring ataih yaih hlôi đei hơto\k [ôh hơdăh, hăt hot vang atu\m hăm tơpôl tơjră pơrang j^.

Hơmet đang por ‘nhot ăh kơmăng ăn unh hnam, pơmai Nguyễn Thị Hương, Kơdră Jơnu\m jang găh drăkăn thôn Hiệp Thắng, xăh Quảng Hiệp, apu\ng Chư\ Mgar, dêh char Đăk Lăk hơmet tôm hla bar kăl tơroi găh tang găn păng tơjră j^ Covid-19 păng minh [ar tơpu tơmam hlôi đei hơmet tôm vă atu\m hăm khul jang kơ po pơtoi năm truh hnam đe pơmai oh jang lơ\m khul, vă tơle\ch chă tơroi tơbăt găh tơdrong tang găn păng tơjră pơrang j^. Pơmai Nguyễn Thị Hương ăn tơbăt, thôn Hiệp Thắng đei je# 150 unh hnam erih jang xa rok kiơ\ jăl trong ataih pơhlom 2km, minh [ar unh hnam lơ\m mir vă [ônh ăn tơdrong choh jang. Yuơ noh, 5 ‘nu jang lơ\m khul hơnơ\ng axong jing 2 khul, năm truh rim unh hnam vă chă tơroi hơvơn: Nhôn duhtơguăt, rim thôn nhôn axong minh khul vă chă hơvơn tơroi. Dôm unh hnam lơ\m tơring hơtaih noh đe tơnap chă tơre\k hăm tơroi tơbăt tơ\ ‘nguaih, ăh kơ ‘năr đe năm jang, ăh kơmăng noh ba pơtơm năm truh chă tơroi hơvơn đei. Noh nhôn truh tơ\ hnam hơvơn tơroi, đang kơ noh chă axong ăn kơ[o\ng ôp ti, che gom [o\, păng pơtho ăn đe ye\t băt trong chă ôp ti, yua che gom [o\ hơnơ\ng, ne\ gan chă le\ch tơ\ trong ôh.

Duh nhen thôn Hiệp Thắng, tơ\ lơ thôn nai tơ\ xăh Quảng Hiệp, apu\ng Chư\ Mgar, Jơnu\m jang drăkăn thôn duh ako\m khul chă hơvơn tơroi đơ\ng 2 truh tơ\ 3 ‘nu năm truh rim hnam bơngai jang chă hơvơn tơroi đe pơmai oh pơm kiơ\ tơchơ\t đơ\ng Anih tơm Y te#, mă hăt noh hơnơ\ng pơ ‘nguaih hnam oei mă rơgoh, ôp ti hăm kơ[o\ng, yua che gom [o\ rim ‘măng le\ch tơ\ trong; hlôh vao tro\ [lep găh tơchơ\t tơklăh oei ataih băl lơ\mt ơpôl păng pơm kiơ\ tơbang y te# hăm tơdrong tơklăh oei ataih lơ\m unh hnam đei bơngai chôt vih đơ\ng tơring hơbuh pơrang j^.

Atu\m hăm noh, Jơnu\m drăkăn xăh Quảng Hiệp oei đei dôm tơdrong jang tơgu\m ăn bơngai tơnap tap; tơle\ch tơdrong pơlong lơ\m mạng trư\k tuye#n vă pơtru\t đe pơmai oh chă hơlen găh kơtơ\ng ang, gơh rơgei lơ\m chă hơvơn tơroi găh tang găn păng tơjră pơrang j^. Pơmai Võ Thị Trang, Pho\ Kơdră Jơnu\m drăkăn xăh Quảng Hiệp ăn tơbăt, ưh adro# năm hơvơn tơroi tơgop, lơ pơmai oh oei io\k jên kơdih tơgop vă răt tơmam tơgu\m ăn dôm unh hnam tơnap tap. Dôm clip kuay đunh  5-7 pơn^t đơ\ng đe pơmai oh vang pơlong online đei tơroi kăp g^t, [ônh pơlang xă lơ\m tơpôl: Jơnu\m drăkăn xăh adro# axong ăn dôm unh hnam hin dơnuh, bơngai tơnap kơ tơre\k hăm kơtơ\ng ang đơ\ng tơpôl, ba năm truh kơtă chă hơvơn tơroi ăn đe ye\t vă đe ye\t tơtom băt hơdăh, ưh đei axong lang lap nhen dôm anih nai ôh. Pơm thoi noh vă đe ye\t hơto\k hlôh vao ăn kơdih po păng ăn unh hnam băt tang găn pơrang j^, hăm tơpôl pơlei pơla hloi. Păng Anih jang găh drăkăn xăh hlôi tơle\ch tơdrong pơlong online hơnăn Oei tơ\ hnam duh chơt, tơle\ch pơlong hăm lơ pơmai oh vang jang lơ\m khul chă kuay clip tơroi găh tơdrong jang tơgop tang găn păng tơjră pơrang j^ tơ\ unh hnam po păng athei đei tơdrong tơbang găh tang găn păng tơjră pơrang j^ pơlang xă kăp g^t hloh vă pơtruh hăm tôm bơngai jang drăkăn păng kon pơlei.

Truh dang ei, rim anih jang drăkăn tơ\ apu\ng Chư\ Mgar đei lơ trong jang phara băl tro\ [lep hăm tơdrong đei [ôh tơ\ tơring, vă atu\m jơhngơ\m tang găn păng tơjră pơrang j^.

Atu\m hăm hơto\k pran tơdrong tơroi tơbăt, khul drăkăn hlôi ako\m khul x^t mei che gom [o\ vă axong ăn kon pơlei; hơvơn chă tơgop tơmam xa, tơmam drăm kăl, phe xo\ng, tơgu\m ăn dôm bơngai hin dơnuh, bơngai hơven hơvo, bơngai te\ch ve\ xo#. Yă Hà Thị Hương, Kơdră Jơnu\m jang drăkăn apu\ng Chư\ Mgar ăn tơbăt, đơ\ng khei 3 truh dang ei, jơnu\m jang drăkăn apu\ng păng xăh hlôi x^t păng axong je# 22 rơbâu to\ che gom [o\; chih 510 tin nhăn ăn kơxo# jang ‘mêm bơnat 1400 vă tơgu\m ăn tơdrong jang tang găn păng tơjră pơrang j^ hăm kơxo# jên hloh 10 triu hlj; hơvơn dôm bơngai đei đon băt tơgu\m răt 520 kơchai đak pơgang ôp ti pơgăn xơmach păng vă je# 1 ta#n phe vă axong ăn bơngai hin dơnuh: Truh dang ei tôm pơmai oh băt hơdăh bơih, [ơ\t le\ch tơ\ trong noh tôm đe pơmai cho# che gom [o\ păng rim bơngai băt hơdăh noh ưh kơx^ vei xơđơ\ng ăn kơ bu mă vei ăn kơdih po păng unh hnam po kơdih. ‘Nguaih kơ dôm tơdrong chă tơra tơgop păng hơvơn tơroi noh Khul jang oei kơdih tơle\ch trong chă tơroi ăn pơmai oh tơ\ tơring pơm kiơ\ dôm tơdrong pơlong online vă hơto\k hlôh vao ăn pơmai oh, pơm trong hiôk ăn pơmai oh băt vao dôm tơdrong ‘nao duh nhen tơgop atu\m hăm tơpôl tang găn păng tơjră pơrang j^.

Kiơ\ kơ yă Nguyễn Thị Thu Nguyệt, Kơdră Jơnu\m jang drăkăn dêh char Đăk Lăk, vă hơto\k đei jơnei tơdrong jang tang găn păng tơjră pơrang j^, jơnu\m jang drăkăn hlôi tơguăt tơdrong jang tang găn păng tơjră pơrang j^ hăm tơdrong pơm 5 ưh 3 rơgoh tơ\ tơring. Đơ\ng noh, đei tơdrong hơlen, pơlong đơ\ng dôm anih jang kiơ\ tơchơ\t păng tơtom tơbăt, hơmet hăm dôm anih jang tam mă tơnăp. Hăm dôm trong jang hơdăh noh, tơdrong hlôh vao kơ tôm kon pơlei, mă hăt noh đe pơmai oh drăkăn hlôi đei tơplih [ôh hơdăh. Đe pơmai oh jing khul dơnơm chă hơvơn tơroi, tơbăt ăn rim bơngai lơ\m unh hnam po păng ‘nho\ng oh atu\m vang pơm kiơ\ dôm tơchơ\t tang găn păng tơjră pơrang lơ\m unh hnam: Atu\m hăm xơnong jang atu\m, thoi noh nhôn hơlêm đe pơmai oh adrin kơ ‘nôh. Pơm kiơ\ xơnong jang hadoi kơ po gơh hrơ hrau atu\m vă keh đang tơdrong jang đei pơjao. Keh đang răh tơdrong jang yuơ khul jang pơjao mă lei pơm jang keh đang xơnong kơ bơngai hơkăn, bơngai me\ lơ\m unh hnam, hơmet xơđơ\ng tôm. Vei rong kon hơ ioh po vă atu\m đei xơnong tơnăp lơ\m tơdrong tang găn păng tơjră pơrang j^, vă ăh tôch ‘măng tang găn păng tơjră pơrang j^ âu gơh tenh hloh, đei jơnei tơnăp hloh.

Kiơ\ tơdrong jang chă hơvơn tơroi đơ\ng dôm jăl jang drăkăn, kơ hre\ng rơbâu bơngai drăkăn vang jang tơ\ Đăk Lăk hlôi đei tơre\k hăm tơdrong tơroi tơbăt tro\ [lep, ako\m tơtom tơdrong đei [ôh găh pơrang j^ păng đei trong tang găn tro\ [lep tơ\ unh hnam po. Atu\m hăm noh, âu duh jing khul jang dơnơm lơ\m tơdrong chă hơvơn tơroi, tơgu\m ăn dôm anih hơlen pơrang j^ lơ\m dêh char. Kiơ\ đơ\ng noh hlôi tơgop kăp g^t atu\m hăm khul jang nai tơ\ Đăk Lăk atu\m jơhngơ\m tang găn păng tơjră j^ Covid-19 gơh đei jơnei hloh.

Lan chih păng rapor