VOV4. Bahnar - Năr brei, năr 24/11tơ̆ Hà Nội, Tang măt ăn tĕh đak Đức tơ̆ Việt Nam Guido Hildner hlôi pôk ăn 75 tŏ kmăi dui jơhngơ̆m, 15 Monitor păng 20.000 kmăi pơtŏ oxy păng plei duih ăn Hnam pơgang Hnam trương Đăi hŏk Y Hà Nội. Akŏp kmăi kmŏk jang pơgang au kơ jă kơ jên dang 21 ti hlak jên (dang 825.000 Euro). Iung pơma tơ̆ pơm lêh, Kơdră tang măt tĕh đak Đức tơ̆ Việt Nam Guido Hildner  tơbăt “Hăm tơdrong tơgum djru kmăi kmŏk jang pơgang au, tĕh đak Đức ‘mĕh vă vang iung jang hơdoi hăm Việt Nam lơ̆m tơ jră tang găn jĭ hơbŭh”. Hơdrol kơ ‘nŏh, lơ̆m khei 9, Đức hlôi tơgŭm djru ăn Việt Nam va3w jê̆ 3 trĭu 500.000 kơliêu vaccine Astra Zeneca.

Tơblơ̆ nơ̆r: Amazưt