VOV4.Bahnar - Pơ gê 18/3, tơ̆ apŭng Tây Giang, dêh char Quảng Nam, Radio nơ̆r pơ ma Việt Nam et hơ tŏk păng tơ mât yoa Kơ măy pơih rapor hơ yuh FM tơ̆ kông Quế, xăh Tr’hy, apŭng Tây Giang, dêh char Quảng Nam.

Tơ drong jang man anĭh kơ măy rapor FM tơ̆ kông Quế - Tây Giang, dêh char Quảng Nam ‘nŏh jĭ tơ drong jang mă blŭng Radio nơ̆r pơ ma VN iŏk yoa kơ măy kơ mŏk ‘nao hlŏh lơ̆m tơ drong vei lăng, iŏk yoa kơ măy pơih hơ yuh rapor, ‘nŏh jĭ kơ măy pơih rapor kiơ̆ hơ yuh kơ măy vệ tinh, gơ̆h vei lăng, tăk, pơih kiơ̆ kơ măy pĭt đơ̆ng hơ tăih.

Tơ drong tơ mât yoa kơ măy pơih rapor hơ yuh FM tơ̆ kông Quế tơ gŭm ăn Radio nơ̆r pơ ma VN pơih xă tơ ring rapor, ‘mơ ‘met đei tôch ai jên vei lăng păng iŏk yoa kơ măy kơ mŏk, hơ nhăk nơ̆r pơ ma đơ̆ng Đảng păng tĕh đak, đơ̆ng anĭh jang đảng, khul kơ dră pơ gơ̆r dêh char Quảng Nam truh hăm kon pơ lei kon kông tơ̆ găh pơ mât dêh char Quảng Nam păng dôm dêh char jŭm dăr.

Dơ̆ng: Tơ blơ̆