VOV4.Bahnar – Kơmăng năr 21/6, Anih Hơlen pơrang jĭ (CDC) Gia Lai tơroi, tơring 'nao ƀôh băt 1 'nu ƀơm jĭ COVD-19 chôt vih đơ̆ng minh anih jang kŏng ngĭp tơ̆ Bình Dương. Hơdăh, bơngai drŏ nglo ƀơm jĭ COVID-19 rơneh xơnăm 2005 pơm jang tơ̆ anih bơ̆ mi tôm tơ̆ plei tơm Thủ Dầu 1 (dêh char Bình Dương). Bơngai oei tơ̆ hnam oei kơ bơngai jang tơ̆ phương Nghĩa Hội (thĭ xăh Tân Uyên, dêh char Bình Dương) păng vih tơ̆ thôn Yon Tok, xăh Ia Glai, Chư̆ Sê ăh pơgê năr 19/6. Kơsơ̆ 'năr noh, bơngai âu năm truh Anih jang y tê̆ xăh tơroi y tê̆ păng đei iŏk pham vă hơlen jĭ COVID-19 kơlih chôt vih đơ̆ng tơring hơbuh pơrang jĭ. Dang ei, 24 'nu F1 kơ bơngai jĭ âu hlôi đei pơkăp oei tơklăh nhen tơchơ̆t. Anih vei lăng kon pơlei dêh char Gia Lai đei hla bar pơkăl rim tơring lơ̆m dêh char pơtoi hơlen kơjăp dôm bơngai chôt vih đơ̆ng tơring hơbuh pơrang vih truh tơring; hơtŏk chă hơlen lơ̆m dôm jăl trong tơm mơ̆t tơ̆ dêh char.

Lan chih păng pơre nơ̆r