VOV4.Bahnar - Lơ\m dôm năr Tết Nguyên đán âu ki, dêh char Gia Lai ưh pă đei dơ\ng bơ ngai ‘nao tơ po\h j^ Covid-19 yơ. Ku\m hăm ‘no\h, truh dang ei đei 13/27 ‘nu bơ ngai j^ đ^ pă đei pơ rang j^ SARS-CoV-2 bơih. Kiơ\ nơ\r tơ roi đơ\ng An^h pơ gơ\r jang tang găn j^ Covid-19 dêh char Gia Lai, dêh char hlôi io\k set hơ len 43.480 kơ mẫu pham vă hơ len năng pơ rang j^ SARS-CoV-2. Lơ\m no\h đei 27 pham đei pơ rang j^. Lơ\m 27 ‘nu bơ ngai j^ Covid-19, đei 6 ‘nu bơ ngai ưh đei pơ rang j^ ‘măng mă 2, 7 ‘nu bơ ngai ưh pă đei pơ rang j^ đơ\ng ro\ng kơ set hơ len ‘măng mă 1.

Khul kơ dră che\p kơ\l An^h pơ gơ\r tang găn j^ Covid-19 dêh char Gia Lai hôp trư\k tuye#n hăm dôm an^h pơ gơ\r tang găn j^ kơ dôm tơ ring đei bơ ngai Covid-19 vă hơ nơ\ng tơ le\ch trong tang găn j^; atu\m hăm ‘no\h hơ met pơ ‘lơ\ng mơ mat tat lơ\m tơ drong chơ chue\n tơ mam, tơ moi, tơ mam đơ\ng choh jang xa lơ\m khei ‘năr oei tang găn j^ dang ei. An^h pơ gơ\r jang kơ dêh char ảthei vei kơ jăp dôm an^h gak, khăm hơ len tơ drong j^ tơ\ dôm tơ ring hơ mơt đei j^ tơ po\h lơ\m tơ pôl. Ho\k tro oei đei asong pơ dơ\h ho\k kle\p truh đei nơ\r pơ tho ‘nao dơ\ng.

Dơ\ng: Tơ blơ\